“Etimad göstərilməyəcəksə, seçkiyə qatılmayacağam” - Ramiz Mehdiyevin kürəkəni
“Namizədliyim təmsil olunduğum partiya tərəfindən irəli sürülməlidir. Mən özbaşıma növbəti seçkilərə necə qatıla bilərəm?!”
“AzPolitika.info” xəbər verir ki, bu fikirləri Modern.az-a açıqlamasında Milli Məclisin deputatı İlham Əliyev deyib. O, bildirib ki, yalnız etimad göstəriləcəyi halda seçkilərə qatıla bilər: “Mən YAP-çıyam. Partiyamızın sədri var. Partiyamızın sədri, hörmətli cənab Prezident İlham Əliyev tərəfindən etimad göstəriləcəksə, mən də seçkilərə qatılacam. Etimad göstərilməyəcəksə, qatılmayacam”.
Qeyd edək ki, İlham Əliyev Milli Məclisin IV və V çağırış deputatı olub. Yeni Azərbaycan Partiyası tərəfindən 56 saylı Xaçmaz kənd seçki dairəsindən deputat seçilib.
O, Prezident Administrasiyasının sabiq rəhbəri Ramiz Mehdiyevin kürəkənidir.
Şərhlər
Belədir də! Elə millət də bunu deyir.Qohum.quda yığnağından millətə nə xeyr gələ bilər ki? Belə formalaşdırıb ölkəni soydular və hələ də bu tendem davam edir.Bəs deyil?dna!trak