"BU HÜCUMA GÖRƏ İRAN MƏSULİYYƏT DAŞIYACAQ!" - Tramp İranı günahlandırıb

ABŞ Prezidenti Donald Tramp aksiyaçıların Bağdadda ABŞ səfirliyinə hücum etməsinə münasibət bildirib.

APA-nın məlumatına görə, D. Tramp “Twitter” səhifəsində yazıb ki, İran İraqda bir amerikalı mühəndisi öldürüb, çox saylı yaralı var.

ABŞ Prezidenti İranın İraqdakı bu addımına sərt reaksiya verildiyini və hər zaman da sərt reaksiya veriləcəyini vurğulayıb: “İran indi ABŞ-ın İraqdakı səfirliyinə hücum təşkil edir. Bu hücuma görə İran məsuliyyət daşıyacaq. İraq təhlükəsizlik qüvvələrinin ABŞ səfirliyini qorumasını gözləyirik”.

Xatırladaq ki, ABŞ Kərkük yaxınlığındakı bazasına raket zərbəsi nəticəsində bir amerikalı hərbçinin ölməsinə cavab olaraq dekabrın 29-da "Hizbullah"ın İraqdakı qolu olan "Xətaib Hizbullah" qruplaşmasının bazalarını bombalayıb. Qırıcı təyyarələrdən endirilən zərbə nəticəsində "Xətaib Hizbullah"ın ən azı 25 döyüşçüsü öldürülüb, 55 nəfər yaralanıb. Ölənlərin arasında qruplaşmanın dörd komandiri də var.

Bu gün ABŞ-ın Bağdaddakı səfirliyi qarşısında etiraz aksiyası başlayıb. Aksiyaya yüzlərlə iraqlı qatılıb. Aksiya iştirakçıları dekabrın 29-da ABŞ hərbi qüvvələrinin İraqda "Xətaib Hizbullah" qruplaşmasının mövqelərinə endirilən zərbə nəticəsində onlarla döyüşçünün ölməsi və yaralanmasına etirazlarını bildiriblər. Aksiyanın gedişində səfirlik boşaldılıb və aksiyaçılar səfirliyinin binasına daxil olublar.

635x100

Şərhlər

Rasim 2020-01-01 00:41:33

Beli. Belini qirmaq lazimdir bu gerizekalilarin hamisinin. Tarixlerinde unutulmayacaq zerbeler vurulmalidir.bele unsur milletlerin terzine ancaq sert zerbe olmalidir

111 2019-12-31 18:53:57

bu qədər öldürülən müsəlmanlara görə kim məsuliyyət daşıyacaq

Son yazılar