“BU VƏSAİTİN VİCDANSIZCASINA TALANMASI...” - Prezident icra başçılarının həbsinə səbəb olan hallar barədə

“İctimai ödənişli iş yerləri ilə bağlı bu təşəbbüs mənim tərəfimdən irəli sürüldü, o vaxt ki, dövlət investisiya xərcləri kəskin şəkildə aşağı düşdü. Bunu da biz məcburiyyət qarşısında etdik. Çünki neftin qiyməti dörd dəfə aşağı düşmüşdü, gəlirlərimiz azalmışdı və büdcəmiz ixtisar edilmişdi, o cümlədən investisiya proqramı da böyük dərəcədə ixtisara uğradı”.

"Report" xəbər verir ki, bunu Azərbaycan Respublikasının Prezidenti İlham Əliyev 2019-cu ilin yekunlarına həsr olunmuş müşavirədə çıxışı zamanı deyib.

“İşsizliyin qabağını almaq üçün mənim təşəbbüsümlə on minlərlə ödənişli ictimai iş yeri yaradılmalı idi. Ancaq əfsuslar olsun ki, biz bu proqramın icrasında çox böyük pozuntulara rast gəldik. Xüsusilə yerli icra orqanları tərəfindən vicdansızcasına bu vəsaitin talanması və ödəniş kartlarının yığılması, ondan sonra oradan pulun çəkilməsi, yaxud da öz yaxın adamlarının, bu işlərlə qohumlarının təmin edilməsi, əlbəttə ki, dözülməz faktdır və buna görə artıq bu pozuntulara yol verən şəxslər cəzalandırıldı və bu işlər davam etdiriləcək.

Bu, hər kəsə dərs olmalıdır. Amma, eyni zamanda, elə bir mexanizm işlənməlidir ki, bu pozuntulara ümumiyyətlə, imkan olmasın. Ona görə Əmək və Əhalinin Sosial Müdafiəsi Nazirliyinə tapşırıq verildi ki, onlar bu işin koordinasiyasını öz üzərinə götürsünlər və ödənişli ictimai işlərə götürülən vətəndaşlar məhz Əmək və Əhalinin Sosial Müdafiəsi Nazirliyi tərəfindən rəsmiləşdirilsin”, - dövlət başçısı deyib.

635x100

Şərhlər

elxan 2020-01-14 23:01:41

Bəs nəqliyyat sektoru necə olacaq görəsən burdada əmək haqı kartları fəhlələrdə deyi ki ya

Araşdırmaçı 2020-01-14 21:31:53

Cənab Prezident, Şəkidədə o əməliyyatlar Şəki Kommunal Təsərrüffat İstehsalat idarəsi tərəfindən aparılıb və mənimsənilib ?????

Yavər 2020-01-14 10:28:15

Möhtərəm Prezident, belə hallar bütün icra başçılarında mövcuddur.Sadəcə onlara nəzarət mexanizmi olmadığından və ya tətbiq edilmədiyindn onlar tərəfindən özbaşınalıq baş alıb gedir.

Son yazılar