Alimlər su molekulunun radiasiya ilə dağılmasını izləyiblər - İlk dəfə

«AzPolitika.info»-nun xarici KİV-ə istinadla verdiyi xəbərə görə, fiziklər ilk dəfə olaraq, su molekulunun radiasiyanın təsirindən parçalanmasını və onların ən sürətli kimyəvi reaksiyalarda iştiraka «məcbur» edilməsini izləyə biliblər. Bu barədə məqalə «Science» adlı elmi jurnalda dərc olunub.

«Biz, ilk dəfə olaraq, ionlaşmış suda ən sürətli kimyəvi reaksiyanı izləyə bildik - hidroksil (-OH) radikalının «doğulması» ilə gedən reaksiya. Bu ionun öyrənilməsi özlüyündə çox mühümdür, nədən ki, o, orqanizmdə müxtəlif maneələri asanlıqla ötüb keçir və bütün mühüm biomolekulları, o cümlədən RNT, DNT və ya zülalı zədələyə bilər» - deyə, işin müəlliflərindən biri olan Arqon milli laboratoriyasının (ABŞ) fiziki Linda Yanq izah edir.

Xanım Yanq qeyd edir ki, kimyəvi reaksiyalar çox tez gedir - ən sadə molekullar arasında qarşılıqlı təsir bir neçə on femtosaniyə, saniyənin kvadrillon hissəsi aralığında gedir. Həmin vaxtda başlanğıc reaqentlərin atomları bir-biri ilə qarşılıqlı təsirdə ola bilir. Bu atomlarda elktronlar öz mövqeyini daha tez dəyişə bilir.

Uzun müddət ərzində hesab olunurdu ki, belə prosesləri izləmək mümkün deyil, ancaq ən sürəti lazerin və hissəciklərin sürələndiricilərinin meydana gəlməsi ilə hər şey dəyişib.

“AzPolitika”