Gürcüstan Azərbaycandan idxalı azaldıb
Baxiş sayı:
Dərc olunub:
20/01/2020 - 12:45
2019-cu ildə Gürcüstanla Azərbaycan arasında ticarət dövriyyəsinin həcmi 1 milyard 58 milyon ABŞ dolları təşkil edib.
Bu barədə ölkənin Milli Statistika İdarəsinin ilkin hesabatında bildirilir.
Hesabat ilində Azərbaycanın qonşu ölkənin ümumi ticarət dövriyyəsindəki payı 8,2% olub.
2019-cu ildə Azərbaycan Gürcüstanın ən böyük ticarət tərəfdaşları arasında Türkiyə, Rusiya və Çindən sonra dördüncü yeri tutub.
2019-cu ildə Gürcüstan Azərbaycandan ümumi dəyəri 559,13 milyon ABŞ dolları olan məhsul idxal edib.
2018-ci illə müqayisədə Gürcüstanın Azərbaycandan idxalında 5,7% azalma qeydə alınıb.
Azərbaycan Gürcüstanın ümumi idxalında 6,2% paya sahib olmaqla qonşu ölkənin Türkiyə, Rusiya və Çindən sonra dördüncü əsas idxal tərəfdaşı olub. /"Report"
Şərhlər
Hər hansısa bir şərh yazılmayıb.