“Namizədimiz hər yerdə böyük hörmətlə qarşılanır” - FOTOLAR

Yeni Azərbaycan Partiyasının (YAP) 54 saylı Şabran-Siyəzən Seçki Dairəsindən deputatlığa rəsmi namizədi Sadiq Qurbanov seçkiqabağı təşviqat görüşlərini davam etdirir.

Namizədin seçki qərargahından “AzPolitika.info”-ya verilən məlumata görə, yanvarın 21-də S.Qurbanov Şabran rayonunun Pirədəbil, Zeyvə, Sumaqova, Qazma, Zöhramı, Kilvar, Taxtalar və Dağ Bilici kəndlərinin sakinləri ilə görüşüb. Seçicilər YAP-ın namizədini səmimiyyətlə qarşılayıb, onunla gələcək planları barəsində ətraflı müzakirə aparıblar.

S.Qurbanovun seçki qərargahından bildiriblər ki, namizədin indiyə qədərki bütün görüşləri yüksək səviyyədə baş tutub. Hökumətin, xüsusən son 5 ildə Şabran və Siyəzən rayonlarının ərazisində apardığı böyük abadlıq-quruculuq işləri insanların elə böyük təqdirini qazanıb ki, seçicilər YAP-ın namizədinin görüşünə həvəslə gəlir, onu böyük hörmət və səmimiyyətlə qarşılayırlar. “İndiyədək gördüyümüz işlər, bundan sonra görüləcək işlərin təminatıdır”.

S.Qurbanovun seçicilərlə görüşləri davam edir.

“AzPolitika”














635x100

Şərhlər

Hər hansısa bir şərh yazılmayıb.

Son yazılar