Mağazalarda süd adına satılan nədir? - Rusiyalı ekspertlər müəyyən ediblər

Rusiyanınn «İctimai nəzarət» təşkilatı Peterburq mağazalarında satılan «süd»ün kefiyyətini yoxlayıb. Ekspertlər tərəfindən əldə edilmiş 11 nümunədən 7-si dövlət standarlarının (QOST) tələblərinə cavab verməyib.

Hər şeydən əvvəl istehsalçılar südü su ilə durulaşdırırlar. Bunu süddə zülalın miqdarının aşağı səviyyəsi sübut edir. Saxtalaşdıranlar arasında Leninqrad vilayətindəki istehsalçılar və özəl ticarət markaları yer alır. Onlar böyük şəbəkələr üçün məhsul istehsal edirlər.

Yoxlama zamanı, eksertlərin sözlərinə görə, iki nümunə açıq şəkildə saxta çıxıb. Onların tərkibində bitki mənşəli yağlar müəyən olunub. Eyni zamanda, məhsulun tərkibində çoxsaylı pozuntular qeydə alınıb - yağlılığına, zülalın miqdarına görə.

Təşkilatın sədri Vsevolod Vişnevetskinin sözlərinə görə, bu məhsullarda süddən əsər-əlamət yoxdur - onlar «südsüz süddür».

Bu təşkilat oxşar yoxlamaları hər il aparır. Ötən ilin martında da ekpsertiza üçün təqdim olunmuş 12 nümunənin 7-si saxta çıxıb.

Mütəxəssislər qeyd edirlər ki, süddə zülal defisiti ondan xəbər verir ki, məhsul ya su ilə duralaşdırılıb, ya da onda süd yağı bitki yağı ilə əvəzlənib. Süddə zülalın miqadarı məhsula digər ucuz xammalın əlavə edilməsi ilə də əlaqəli ola bilər.

Böyük təəssüf hissi ilə qeyd etmək istərdik ki, bu istiqamət üzrə vəziyyət ölkəmizin pərakəndə ticarət şəbəkəsində xeyli «rusca»dır. Üstəlik də heç bir kompetent nəzarətin olmaması gerçək «xaos»dan xəbər verir…

AzPolitika.info