Azərbaycanda geoloji kəşfiyyat gəmisinin kapitanı vəfat edib
Baxiş sayı:
Dərc olunub:
25/02/2020 - 15:44
“Azərbaycan Xəzər Dəniz Gəmiçiliyi” QSC-yə (ASCO) ağır itki baş verib.
"Report" xəbər verir ki, bu barədə ASCO-nun açıqlamasında bildirilir.
Məlumatda həmçinin deyilir ki, Xəzər Dəniz Neft Donanmasının balansında olan “Əli Əmirov” geoloji kəşfiyyat gəmisinin kapitanı Əbülfəz Əliyev vəfat edib.
O, 1960-cı il iyunun 12-də Astarada anadan olub. O, ömrünün 48 ilini dənizçilik sahəsinə həsr edib. 1972-ci ildə Xəzər Dəniz Neft Donanmasının “Çeleken-2” gəmisində I dərəcəli matros kimi işə başlayan Əbülfəz Əliyev pillə-pillə kapitan vəzifəsinə qədər yüksəlib. 1990-cı ildə “Atlet-5” gəmisinin sükanı arxasına keçən dənizçi son üç ildə “Əli Əmirov” geoloji kəşfiyyat gəmisinin kapitanı kimi çalışıb.
Allah rəhmət eləsin!
Şərhlər
Hər hansısa bir şərh yazılmayıb.