DEPUTAT YAŞLI QADININ EVİNƏ GETDİ - Tənha yaşayan Günəşli sakininə yardım etdi (Yenilənib)
Bir neçə saat əvvəl "AzPolitika.info"-ya müraciət edərək sosial xidmətlərdən şikayət edən Yeni Günəşli qəsəbəsi AB massivi 2, mənzil 18-də yaşayan Məmmədova Tahirə Əyyub qızı yenidən saytımızla əlaqə saxlayaraq, ərazinin deputatı Etibar Əliyevin ona baş çəkdiyini və yardım etdiyini bildirdi.
"Şikayətim saytınızda dərc olunduqdan sonra deputatımız Etibar Əliyev mənimlə əlaqə saxlayaraq, yaşadığım ünvana gəldi. Özüylə zəruri ərzaq məhsullarını da gətirmişdi. Problemlərimlə maraqlandı. Sizə və problemimə həssas yanaşan deputatımız Etibar müəllimə təşəkkür edirəm", - Tahirə Məmmədova bildirdi.
...
"Mənim yaşım 65-i ötüb, xüsusi karantin rejimi olduğuna görə, evdən bayıra çıxmıram. Amma sosial xidmətlərdən mənimlə əlaqə saxlayan olmayıb. Dəfələrlə müraciət etsəm də, bir nəticəsi yoxdur". Bu sözləri "AzPolitika.info" saytına müraciət edən Yeni Günəşli qəsəbəsi, AB massivi 2, mənzil 18-də yaşayan Məmmədova Tahirə Əyyub qızı bildirib.
Xatırladaq ki, koronavirus pandemiyasına görə Azərbaycanda martın 24-dən aprelin 20-dək xüsusi rejimli karantin elan olunub. Qaydalara əsasən bu müddətdə yaşı 65-dən yuxarı, xüsusi risk qrupuna aid edilən vətəndaşlara evdən çıxmaq qadağan edilib.
Əmək və Əhalinin Sosial Müdafiəsi Nazirliyi yaydığı açıqlamada bildirib ki, tənha və yaşlı insanların zəruri tibbi və s. gündəlik tələbatının ödənilməsi üçün əməkdaşlar fasiləsiz xidmət həyata keçirirlər.
Şikayətlə bağlı nazirliyin də mövqeyini dərc etməyə çalışacağıq.
AzPolitika.info
Şərhlər
Bu gü anladım ki,sosial xidmetden evvel azpolitka.infonun emekdaşlarının sayesinde 3 günlük aclığıma son qoyuldu. Genc jurnalist Pervin Mahmudov müxtelif çeşidde çörek ve göy-göyerti alıb getirdi ve az sonra sevimli deputatımız Etibar Əliyev şexsen özü mene zeng etdi . Evimə gələrək hal- əhval tutdu, ərzaq alıb gətirdi, ehtiyacım olduğu halda onunla əlaqə saxlamağımı tapşırdı. Mən azpolitka.infoya ve jurnalist Pervin Mahmudova, xüsusen hörmətli deputat E.Əliyevə dərin minnətdarlığımı bildirir və xoş arzularımı bildirirəm.
Ölkədə qayda-qanun olmasa, pandemiya alovlanarsa, nəticələri faciəli olacaq. Hər kəs karantin qanunlarına uygun ciddi cəzalanmalıdır.
Sosial xidməti səmərəli etmək üçün ilk növbədə həmin sahəyə .....
KORONAVIRUS BITENDEN SONRA YAZACAQLAR KI 10000 ADAMA KOMEK ETMISIK