Jvanianın meyiti eskumasiya olunacaq

Gürcüstan prokurorları keçmiş baş nazir Zurab Jvanianın meyitinin eskumasiya olunması qərarını veriblər. Prokurorlar bildirirlər ki, bu, Jvanianın ölümün səbəbinin araşdırılması ilə bağlı istintaqın tərkib hissəsidir.

Prokuror Revaz Nadoi sentyabrın 30-da Tbilisidə jurnalistlərə deyib ki, meyitin çıxarılıb, yenidən öyrənilməsinə Jvanianın qohumları razılıq verib.

Təhqiqatda xarici ekspertlər iştirak edəcək. Jvania və Kvemo Kartli regionunun qubernator müavini Raul Yusupov 2005-ci ildə Tbilisidə mənzildə ölü tapıldı.

Müstəntiqlər ilkin olaraq dedilər ki, onlar karbon monoksiddən boğulublar, buna səbəb isə qaz qızdırıcısının nasazlığı olub.

Ancaq 2012-ci ildə bu cinayət işi yenidən açıldı. Bu ilin mart ayında isə mətbuata sızan fotolarda Jvanianın bədənində zədələr, göy ləkələr olduğu görünürdü.

Sentyabrın 30-da parlament sədrinin müavini Manana Kobakhidze Azadlıq Radiosuna deyib ki, Jvanianın eskumasiyasının siyasətlə heç bir əlaqəsi yoxdur.