Azərbaycan və Türkiyənin ortaq təlimləri başa çatdı - Video

Qardaş ölkədən gələn 100-ə yaxın yüksək rütbəli hərbçi geri qayıdır.

Türkiyə Hərbi Hava Qüvvələri ilə Azərbaycan şahinlərinin birgə hərbi təlimləri sona çatdı.

ANS TV-nin Qarabağ bürosundan verilən məlumatına görə, təlimlərdə iştirak etmək üçün qardaş ölkədən gələn 100-ə yaxın yüksək rütbəli hərbçi bu saatlarda geri qayıdır.

Bir aya yaxındır ki, davam edən təlimlərin ötən gün həlledici mərhələsi olub. Azərbaycan və Türk pilotları “MİG-29”, “SU-25” və “F-16”larda döyüş zolağında bomba-raket və top atışları etdi. Bundan əvvəl isə Azərbaycan şahiləri ilk dəfə “F-16” qırıcısında səmaya qalxıblar. Təlim müddətində Azərbaycan və Türkiyə şahinləri birgə aviaşou nümayiş etdiriblər.

Bu təlimin davam etdirilməsinə qərar verilib. Belə ki, Hərbi Hava Qüvvələrinin növbəti görüşü mart ayında Türkiyədə planlaşdırılır.