FAZİL MƏMMƏDOVA ƏN YAXIN KADRLARDAN BİRİ VƏZİFƏSİNİ İTİRDİ - Sahir Məmmədxanov artıq nazir müavini deyil

Vergilər Nazirliyi ləğv edildikdən sonrakı müddətdə yeni yaradılacaq Dövlət Vergi Xidmətinə kimlərin rəhbərlik edəcəyi maraqla gözlənilirdi. Nəhayət, dünən Prezident İlham Əliyevin imzaladığı fərmanla İqtisadiyyat Nazirliyi yanında Dövlət Vergi Xidmətinin(DVX) əsasnaməsi təsdiq edilib, həmçinin dövlət başçısının müvafiq sərəncamları ilə xidmətin rəhbərliyində kadr təyinatları aparılıb.

Ölkə başçısının imzaladığı həmin sənədlərdən məlum olur ki, qurumun rəhbərliyinə kifayət qədər gənc və geniş ictimaiyyətə o qədər də tanış olmayan şəxslər təyin olunub. Vəən əsası isə odur ki, həmin şəxslərin adları sabiq Vergilər naziri Fazil Məmmədovun kadrlarından fərqli olaraq, hər hansı korrupsiya əməllərində hallandırılmayıb.

Yeni sərəncamlara görə, Orxan Nəzərli, Samirə Musayeva və İlkin Vəliyev Dövlət Vergi Xidmətinin rəis müavinləri vəzifəsinə təyin ediliblər. Orxan Nəzərli həm də Dövlət Vergi Xidmətinin rəisi səlahiyyətlərini icra edəcək.

Bu təyinatlardan aydın olur ki, indiyədək vergilər nazirinin 1-ci müavini postunu tutan Sahir Məmmədxanov vəzifəsini itirib. Belə ki, onun adı Dövlət Vergi Xidmətinin rəhbərliyinə təyin olunmuş şəxslərin sırasında yoxdur.

Qeyd edək ki, 3-cü dərəcəli dövlət vergi xidməti müşaviri olan Sahir Məmmədxanov 1993-cü ildən 1999-cu ilə qədər Azərbaycan Respublikası Baş Dövlət Vergi Müfəttişliyində müfəttiş və şöbə rəisi kimi vəzifələrdə işləyib. 1999-cu ildən "İri vergi ödəyiciləri ilə iş üzrə" Baş İdarə rəisinin müavini, daha sonra 2001-ci ilədək Baş İdarənin rəisi postlarını tutub.

2001-2009 - cu illərdə Vergilər Nazirliyi yanında Xüsusi Rejimli Vergi Xidməti Departamentinin rəisi olub. 2009-cu ildən Vergilər nazirinin müavini 2016-cı ildən isə Vergilər nazirinin birinci müavini vəzifəsini daşıyırdı.

S.Məmmədxanov indiki vergi orqanında Fazil Məmmədovun nazir olduğu dövrdən qalan və ona ən yaxın kadrlardan sayılan çox az sayda şəxslərdən biridir. Belə ki, F.Məmmədovun nazirliyindəki “vergi akulaları”nın əksəriyyəti nazir dəyişikliyi olan kimi və ondan sonrakı dövr ərzində bir-bir yola salınmışdı. S.Məmmədxanov isə son günlərə qədər vergi orqanında çox yüksək vəzifə tuturdu.

Ancaq maraqlıdır ki, F.Məmmədovun ətrafındakı digər “parlaq fiqurlar”la müqayisədə, S.Məmmədxanovla bağlı mətbuatda o qədər də çox məlumata rast gəlinməyib.

Yalnız bir neçə il bundan öncə bir çox saytlarda və qəzetlərdə Ağcabədi rayonunda fəaliyyət göstərən “Arif-50” firmasının rəhbəri Arif Qasımovun açıq müraciəti, şikayəti dərc edilmişdi. İş adamı həmin vaxt Sahir Məmmədxanov tərəfindən külli miqdarda pulunun mənimsənildiyini iddia edirdi. Və bildirirdi ki, bu səbəbdən öz obyektlərini satışa çıxarmağa məcbur olub. Lakin sonradan bu məsələnin necə yekunlaşdığı, iddiaların doğru olub-olmadığı barədə hər hansı məlumata rast gəlinmədi.

Ümumiyyətlə isə Fazil Məmmədovun rəhbərliyi altında işləyib, Vergilər Nazirliyində yüksək postlar tutmuş şəxslər arasında korrupsiyaya bulaşmayan, ən azından böyük məbləğlərdə “paket” almayan iri məmur tapmaq demək olar ki, qeyri-mümkündür. Və sözsüz ki, həmin məmurlar artıq çoxdan ölkədəki “kölgə iqtisadiyyatı”nın və məmur oliqarxiyasının bir hissəsinə çevriliblər...

Cəlal

AzPolitika.info

635x100

Şərhlər

Roma 2020-05-25 10:54:27

Eliyə...İnanın ki, mənim S.Məmmədxanovla tanışlığım yoxdur, amma onun kimi savadlı, işini bilən, Fazil Məmmədovun dövründən belə həmin sistemdə ən yaxşı, məsələlərə operativ və obyektiv yanaşan məmurdur...

eldar 2020-05-15 17:10:03

DTX Şəkiyə göndərmək lazımdır....?

ejder 2020-05-14 23:57:00

AYE ONA ..WEREF,,ORDENI VERILMELIDI,LUKAWENKO CANI.MALADES ELDARA

Eli 2020-05-14 14:41:29

Bu adamın adına layiq çox şerefsiz sonluğu oldu ve olacaq. Axıra qalanın payı çox olar

Eli 2020-05-14 14:31:42

Bu adam vesifesine kimi her şeyini itirmişdi axırda da

Eli 2020-05-14 14:24:59

Mence Fazil Memmedov da melekdeyildi ancaq bunların hamısından tabeliyinde olanlardan o kişi adam idi en azından işçilerini qoruya bilirdi bunlar kimi birinçi popıtkada hamını “baqaya qoymurdu”

Eli 2020-05-14 14:05:18

Bu adamın tarı tayfası nesli necabeti vergi sisteminde işleyir o ise yemek ve çörek yediyi qaba tüpütdü

Eli 2020-05-14 13:52:24

Gec tez her bir xeyanetkar memur ya vetendaş çöreyını yedıyı Xalqına hesabat. berecek en azından vıcdanına hesabat verecek o da varsa

Son yazılar