“AZƏRPOÇT”un XANIM ƏMƏKDAŞLARI SAXLANILDI - 55 min manat yoxa çıxdığına görə
Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-də oğurluq hadisəsi ilə bağlı saxlanılanlar var.
“Report”un xəbərinə görə, Qaradağ Rayon Polis İdarəsinin Cinayət Axtarış Şöbəsi əməkdaşlarının keçirdikləri əməliyyat-axtarış tədbirləri nəticəsində Qaradağ rayonu, Ələt qəsəbəsində yerləşən 81 saylı poçt şöbəsində oğurluq hadisəsini törətməkdə şübhəli bilinən həmin şöbənin əməkdaşları - S.Ələkbərova, G.Tağıyeva və T.Vəliyeva müəyyən olunaraq tutulublar.
Faktla bağlı başlanmış cinayət işi üzrə şübhəli şəxslər ətrafında əməliyyat-axtarış, əməliyyat istintaq tədbirləri davam etdirilir.
Qeyd edək ki, hadisə şirkətin Qaradağ rayonu, Ələt qəsəbəsində yerləşən 81 saylı poçtunda qeydə alınıb.
Belə ki, may ayında poçtda daxili audit yoxlaması zamanı 16 min ABŞ dolları (27 200 manat) və 28 min manat vəsaitin naməlum şəraitdə oğurlandığı üzə çıxıb. Daha sonra “Azərpoçt” bu barədə hüquq-mühafizə orqanlarına müraciət edib.
Şərhlər
21,saylı poçtda 34000 min manat əskik olub
Nə əcəb 21 saylı PŞnin rəisi Kərimov Fazildən 25000 azn yeyinti aşkarlananda onu tutmadılap?indi xımır xımır ödəyir.Fazilin ortağı heç bir savadı olmayan Qədirova Səbirə 21 saylı pşyə rəis təyin olunub..
Bunlarin hamisinin sebebi Azerpoctun bash direktoru Eminin yaritmaz idareciliyidi
Gender siyasətimizin ugurudur ki, arvadlarımız korrupsiya, ogurluq və sair sahələrdə də kişilərimizlə çiyin çiyinə vuruşmaqdadır.
pah atonnan bir milyard deyil ki????