Yol polisinin yazdığı cərimələr ləğv olunmalıdır – İctimaiyyət nümayəndələri Baş nazirə müraciət etdi
Bir qrup vətəndaş cəmiyyəti, media nümayəndələri, hüquqşünaslar və ekspertlər Baş nazir Əli Əsədova müraciət edib. Müraciətdə bildirilir ki, Dövlət Yol Polisi (DYP) əməkdaşlarının 13.04.2020-ci il tarixinədək İnzibati Xətalar Məcəlləsinin (İXM) 211-ci maddəsi üzrə inzibati məsuliyyətə cəlb etmə səlahiyyəti olmayıb. Ona görə də DYP-nin bu tarixə qədər İXM-nin 211-ci maddəsi üzrə tərtib etdiyi bütün inzibati tənbeh verməyə dair qərarları ləğv olunmalıdır.
“AzPolitika.info” müraciətin mətnini oxuculara təqdim edir:
Hörmətli Əli müəllim!
Koronavirus pandemiyası dövründə 13.04.2020-ci il tarixinədək dövlət yol polisi əməkdaşları tərəfindən Respublikanın, o cümlədən paytaxtın avtomobil yollarında 18 687 hərəkət iştirakçısı Azərbaycan Respublikası İnzibati Xətalar Məcəlləsinin (İXM) 211-ci maddəsi ilə (Epidemiya əleyhinə rejimin, sanitar - gigiyena və karantin rejimlərinin pozulması) inzibati məsuliyyətə cəlb edilib.
Bildiririk ki, "Azərbaycan Respublikası Prezidentinin 2017-ci il 23 fevral tarixli 1256 nömrəli Fərmanı ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nda dəyişiklik edilməsi haqqında" Azərbaycan Respublikası Prezidentinin 13 aprel 2014-cü il tarixli Fərmanınadək "İnzibati xətalar haqqında işlərə baxmağa səlahiyyəti olan vəzifəli şəxslərin siyahısı"nda Dövlət Yol Polisinin vəzifəli şəxslərinin İXM-nin hansı maddələri ilə inzibati xətalar haqqında işlərə baxmağa səlahiyyətləri olmasını müəyyən edən 2.2.-ci və 2.4.-cü bəndlərində İXM-nin 211-ci maddəsi göstərilməyib.
İXM-nin 211-ci maddəsi "Azərbaycan Respublikası Prezidentinin 2017-ci il 23 fevral tarixli 1256 nömrəli Fərmanı ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nda dəyişiklik edilməsi haqqında" Azərbaycan Respublikası Prezidentinin 13 aprel 2014-cü il tarixli Fərmanı ilə "İnzibati xətalar haqqında işlərə baxmağa səlahiyyəti olan vəzifəli şəxslərin siyahısı"nın 2.2. -ci və 2.4.-cü bəndlərinə əlavə edilib və bununla da Dövlət Yol Polisinin vəzifəli şəxslərinə İXM-nin 211-ci maddəsi ilə inzibati xətalar haqqında işlərə baxmaq səlahiyyəti verilib.
Göstərilənlərdən belə nəticəyə gəlinir ki, Dövlət Yol Polisi əməkdaşlarının İXM-nin 211-ci maddəsi ilə inzibati xəta haqqında işlərə baxmaq səlahiyyəti 13.04.2020-ci il tarixindən sonra yaranıb və dövlət yol polisi əməkdaşlarının həmin tarixədək İXM-nin 211-ci maddəsi ilə inzibati tənbeh vermə barədə qərar tərtib etmək səlahiyyəti olmayıb.
“İnzibati icraat haqqında” Qanunun 67.1.-ci maddəsində deyilir ki, inzibati orqan tərəfindən inzibati icraat haqqında hüquq normalarının və ya maddi hüquq normalarının pozulması nəticəsində qəbul edilmiş inzibati akt qanunsuz sayılır.
Həmin Qanunun 67.2.-ci maddəsinə görə qanunsuz inzibati akt həmin aktı qəbul etmiş inzibati orqan və ya suboordinasiya baxımından yuxarı inzibati orqan tərəfindən ləğv oluna bilər.
Hörmətli Əli müəllim!
Yuxarıdakıları əsas götürərək Sizə müraciət edərək xahiş edirik ki, 13.04.2020-ci il tarixinədək dövlət yol polisi əməkdaşlarının Azərbaycan Respublikası İnzibati Xətalar Məcəlləsinin 211-ci maddəsi üzrə tərtib etdikləri inzibati tənbeh verməyə dair qərarlarını ləğv edəsiniz.
Əvvəlcədən minnətdarlığımızı bildiririk!”
AzPolitika.info
Şərhlər
DYP-nin cəriməklərinin əksəriyyəti qanunsuzdur.Misal olaraq rayonlar arası yollarda qoyulan radarların yerləşdrilməsini göstərmək olar.110 km\saatla sürməyə icazə verlən yollarda .qəflətən lazım gəldi=gəlmədi 60 nişanına rast gələn süücü bu sürət həddinə avtomobili gətirənə qədər rqdqra tuş gəlir.Axı avtomobili 110 dan 60-a endirənə qədər avtomobil müəyyən yol qət etməlidir,əks halda qəza baş verətr.Radarlar isə elə yerləşdirilib ki.buna sürücünün imkanı olmur və radarda qeydiyyatadüşür.Niyə DYP-nin texniki işçiləri buna diqqət edib,radarları qanuni məsafədə yerləşdirmirlər.Belə hal həm Bakı-Kürdəmir-Yevlax,Bakı-Astara və Bakı-Şamaxı yoııarı üzərində mövcuddur.Bu məsələyə diqqət vermək və nahaq cərimələri aradan qaldrmaq vaciadir.İnsanları onlardan asılı olmayan və DYP-nin cəroimə maraqlarına qurban vermək qanunsuzdur.Bu hallar diqqət tləb edir.
Dünyanın əksər ölkələrində,elə Rusiyada bu geydirmə icazə sms-ləri yoxdur.Ona görə də,guya "karantin rejimini pozublar" kimi hüquqi bir şey yoxdur və cərimələr də geydirmədir.
Cərimələrin həddi həddindən artıq yüksəkdir.Bu məbləğlər ölkədəki sadə vətəndaşların maaş,pensiya.müavinət və qazancları ilə(yüksək vəzifəlilər,onların evladları bir qayda olaraq DYP tərəfindən tanınır və crimə onlara yazılmır) uyuşmur,insanlar maddi aülüm çəkir.Ona görə cərimə hədlərinə yrnidən baxmaq vacibdir.Bir də nəzərə alınmalıdır ki.bu cərimələr büdcəyə daxil olmur,ayrı-ayrı şəxslərin cibinə axırr.