“Marsa enəcəyik, tarixin nəhəng silahını yaradacağıq” - ABŞ prezidenti
ABŞ prezidenti Donald Tramp ilk pilotlu «Crew Dragon» kosmik gəminin Beynəlxalq kosmik stansiyaya göndərilməsini təntənəli surətdə şərh edib.
Floridada NASA əməkdaşları qarşısındakı çıxışında dövlət başçısı bəyan edib ki, ABŞ astronavtlarının Marsa enəcəyi gün uzaqda deyil.
Onun sözlərinə görə, «ABŞ dövləti öz astronavtlarını Amerika ərazisndən Amerika raketi ilə göndərəndən sonra, digər dövlətlərdən kosmik asılılıq dövrünə son qoydu».
«Bizim sabiq liderlər bizi elə bir situasiyaya gətirmişdilər ki, astronavtlarımızı kosmosa göndərmək məsələsində digər ölkələrdən asılı olmuşduq» - deyə, prezident bildirib.
Tramp onu da qeyd edib ki, ABŞ ağılagəlməz yeni silah növünü - «tarixin ən böyük silahını» əldə etməyə yaxındır. «Mən artıq onun sınaq nümunələrini görmüşəm, hətta mən ona inanmaqda çətinlik çəkirəm» - prezident əlavə edib.
AzPolitika.info
Şərhlər
Görəsən silah bu admın nəyinə lazımdır?Milyarderlər sonda öldürmək, məhv etmək, dağıtmaq haqda düşünür. Heç bir halda milyarderdən vətəndaş və prezident olmaz.