ÜST-nin AZƏRBAYCANDAKI NÜMAYƏNDƏSİ KARANTİN QAYDALARINI POZUB? - Hande Harmancı üzr istədi + FOTOLAR(Yenilənib)

Ümumdünya Səhiyyə Təşkilatının Azərbaycandakı nümayəndəsi Hande Harmancı sosial şəbəkədə paylaşdığı fotoya görə üzr istəyib. H. Harmancı iyunun 13-də həkimlərlə birlikdə Quba və Qusar rayonlarına səfərə getdiyini bildirib:

"COVID-19 pandemiyası ilə əlaqədar REACT-C19 layihəsini həyata keçiririk. Layihə çərçivəsində Türkiyədə təhsil almış və çalışan 19 azərbaycanlı həkim hazırda ölkənin müxtəlif rayon və şəhərlərinə səfər edərək, yerli həkimlərə kömək edirlər.

İyunun 13-də, həmin həkimlərlə birlikdə Quba və Qusar rayonlarına səfər etmişdik. Sosial mediada paylaşdığım şəkillər və video o zaman çəkilib.

Bu paylaşımı yanlış zamanda etdiyimi qəbul edirəm və buna görə sizdən üzr istəyirəm.

Görəcəyimiz işlər hələ çoxdur. Sizin dəstəyinizə çox ehtiyacımız var. Pandemiyanın öhdəsindən yalnız birlikdə gələ bilərik". 

***

Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancının Azərbaycanın bir sıra şəhər və rayonlarında tətbiq edilən sərtləşdirilmiş xüsusi karantin rejimi günlərində şimal bölgəsində istirahətə yollanması ictimaiyyətdə müzakirələrə səbəb olub.

"Report" xəbər verir ki, xanım Harmancı sərt karantin günlərində Quba və Qusar meşələrində istirahət zamanı çəkdirdiyi fotoları Instagram-da paylaşıb. Onun bu paylaşımı ictimaiyyətdə birmənalı qarşılanmayıb.

Belə ki, sosial şəbəkə istifadəçiləri tərəfindən Azərbaycanda insanları evdə qalmağa səsləyən ÜST-nin nümayəndəsinin sərt karantin günlərində "narıncı" zonadan (Bakı) "sarı" zonaya getməsi karantin qaydalarının kobud şəkildə pozulması kimi qiymətləndirilib.

Harmancı fotonu nə vaxt çəkdiyini açıqlamayıb və hələ ümumiyyətlə tənqidlərə münasibət bildirməyib.

Qeyd edək ki, 14 iyun saat 00:00-dan 16 iyun saat 06:00-dək Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazisində sərtləşdirilmiş xüsusi karantin rejimi tətbiq edilib.

Həmin müddət ərzində qeyd olunan şəhər və rayonların ərazisində bütün iş, xidmət və ticarət sahələri üzrə fəaliyyət, eyni zamanda ictimai nəqliyyatın və avtomobillərin hərəkəti dayandırılıb (xüsusi təyinatlı, qəza-bərpa, təcili tibbi yardım avtomobillərinin və fəaliyyətinə icazə verilən orqanların (qurumların) və təşkilatların xidməti, həmçinin onların əməkdaşlarına məxsus şəxsi avtomobillərin, eyni zamanda yaxın qohumlarının dəfnində iştirakla əlaqədar vətəndaşların şəxsi avtomobillərinin hərəkəti istisna olmaqla).

Qeyd olunan şəhər və rayonlarda əhalinin yaşayış yerlərini və ya olduğu yerləri tərk etməsi qadağan edilib.

635x100

Şərhlər

Eli 2020-06-16 14:13:59

Mence burda heç bir facie yoxdur Xanım üzün müddetdir gergilikle işleyir İnsan bir istirahet de etmelidir ki fiziki menevi psixoloji rahatlıq tapsın ruhu dincelsin insan axı robot deyil ki bir insan ki normal istirahet etmese onun heç fikride aydın olmaz Her halda xanım qaydalara da emel ederBurda anlaşılmaz heç bir problem yoxdur

Eli 2020-06-16 13:57:48

Hamı insandır başa düşmek lazımdır aylarla istirahetsiz görüşen işlerin neticesi de effektli olmaz insanin bir fikri de ruhu da bir az gerginlikden azad olub istirahet etmelidir İstirahet etmeyi bacarmayan işlemeyi de bacarmazXanım yeqin ki qadağalaron şertlerine emel edib Heç bir facie yoxdur inşaallah

Samid 2020-06-16 12:36:32

Day yazın bizi avam yerinə qoyublar bular

Son yazılar