MEHDİYEV HAKİMİYYƏTDƏ İKİNCİ ADAM OLUB? – “Bu, artıq ambisiyadır!”

“Ramiz Mehdiyevin başı üzərindəki duman qatılaşmaqda davam edir. Bu dəfə millət vəkili Aydın Mirzəzadənin hesabına...”

“AzPolitika.info” xəbər verir ki, bunları YAP-ın qurucularından biri, sabiq deputat Alqış Musayev sosial şəbəkədəki statusunda yazıb.

YAP-ın şöbə müdiri, deputat Aydın Mirzəzadə bugünlərdə “Yeni Müsavat” qəzetinə açıqlamasında AMEA prezidenti Ramiz Mehdiyevi müdafiə edən fikirlər səsləndirib. “Ramiz müəllim dövlətçilikdə xidmətləri olmuş, eyni zamanda bu gün də yüksək vəzifədən getdikdən sonra cənab İlham Əliyevin siyasi kursuna sədaqətli olan insanlardan biridir”, - deputat bildirib.

A.Mirzəzadə R.Mehdiyevə qarşı yönəlmiş ittihamları “boş söhbətlər” adlandıraraq, belə davam edib: “Ramiz Mehdiyev hakimiyyətdə ikinci adam olub. Onun hakimiyyəti dəyişməyə nə marağı ola bilərdi?...”

A.Musayev də vurğunu A.Mirzəzadənin açıqlamasındakı bu məqamın üzərinə salaraq, yazır: “YAP “Siyasi təhlil və informasiya” şöbəsi müdirinin analizi işləri heç də aydınlığa doğru aparmır. Aydın Mirzəzadənin açıqlaması mövzunu bir az da tündləşdirir. Ramiz Mehdiyevi daha çətin və çıxılmaz bir duruma salır. Aydın Mirzəzadə “Yeni Musavat”a açıqlamasında deyib: “Bu ittihamlar boş söhbətlərdir. Ramiz Mehdiyev hakimiyyətdə ikinci adam olub”… Əksinə, Aydın Mirzəzadə belə yanaşmaqla, təsdiqləyir ki, bu ittihamlar əsla boş söhbət-zad deyil. Nə üçün?

Hər bir kəsin bir başqasına şəxsi münasibəti ola bilər. Və hiss olunur ki, millət vəkilinin Ramiz Mehdiyevə qarşı daxili bir sevgisi var. Olsun və buna görə onu heç kim günahlandıra bilməz və günahlandırmır. O, istəsə, Ramiz Mehdiyevı ikinci yox, birinci çəxs kimi də görə bilər. Bu, Aydın müəllimin özəl hüququ və haqqıdır.

Amma konstitusiya, dövlətçilk bir başqadır. Heç kim Aydın Mirzəzadəyə haqq vermir ki, öz şəxsi qənaətini ölkənin konstitusion nizamı kimi təqdim etsin! Ramiz Mehdiyevin “hakimiyyətdə ikinci adam” olmasını iddia etmək, birbaşa respublikamızın dövlət quruluşuna qarşı həqarətdir.

Azərbaycan Konstitusiyasına görə, 2001-ci ilə qədər ölkənin ikinci şəxsi Milli Məclisin sədri, 2001-ci ildə edilən dəyişiklikdən sonra Baş Nazir, 2016-cı ildə qəbul edilən referendumdan sonra isə respublikanın Birinci vitse-prezidenti hesab olunur.

Göründüyü kimi, Ramiz Mehdiyevin hakimiyyətdə ikinci adam olması barədə iddianın əsasında heç bir hüqüqi-normativ baza dayanmır. Bunu bilə-bilə ikincilik savaşı açmaq, bu, artıq ambisiyadır, siyasi itaətsizlik nümunəsidir!”

A.Musayev davamında qeyd edir ki, elə R.Mehdiyevə qarşı ittihamlar da əsasən bu tipli mövzulardan qaynaqlanır. “Baxın, Ramiz Mehdiyev nədə suçlanır: Səlahiyyətlərini aşmaqda, vəzifəsindən sui-istifadə etməkdə, mövqeyindən irəli dayanmaqda, başqalarının ərazilərinə müdaxilə etməkdə… və nəhayət, Aydın Mirzəzədənin dediyi kimi, heç bir hüququ və haqqı olmadan hakimiyyətin ikinci şəxsi kimi davranmaqda…

Əminəm ki ,YAP-da böyük əksəriyyət Mirzəzadənin fikirlərini bölüşmür. Yaxşı olardı ki, növbəti açıqlamasında millət vəkili dediklərinə düzəliş versin. Ən yaxşısı isə, YAP içra katibliyinin Aydın Mirzəzadənin mətbuatla təmaslarına məhdidiyyət tətbiq etməyi olardı...”

“AzPolitika”

635x100

Şərhlər

Əli 2020-07-13 11:05:31

Alqış R.Mehtiyev .... Sən nə yazırsan yaz YAP-n yaradıcılarının hamısı Akademikin xidmətlərini yaxşı bilir. Sənin boş-boş sözlərinə heç reaksiya vermirlər. Çünki bilirlər ki, sənin R.Mehtiyevlə şəxsi ədavətin var. Ya da ki, Əli insanovun sifarişiylə bu yazıları yazırsan. Siz həmişə onu gizli şəkildə dəstəkləyən şəxslər olmusunuz.

Nadir Novruzov 2020-07-11 21:29:41

.....vaxti ilə Heydır Əliyevi Politburodan uzaqlaşdiranda da belə danışanıar az deyildi..Tənqid etmək asandir..İşləmək isə yox

ejder 2020-07-10 23:32:33

BU DA YAP IN ,,AQILLI AKADEMIKI,,MALADES,ANCAQ,,QUW,,BURAXIRLAR.

Shushali 2020-07-10 23:30:01

Algin muallim duz deyir, Aydin Mirzezade ve Zahid Oruc Ramiz Mehdiyevin cibinden cixan deputatlardir. Her ikisi Poltexnik institutu gurtardiqlari uchun siyasi savad deyilen bir bashlari yoxdur. Zahid Oruc sosial tedqiqatlar merkezi adli teshkilat yaradib xalgin milyonlarla pullarinin bashina dash salmaqla meshguldur. Mirzezade umumiyyetle secicilerin en ashagi ses verdiyi deputatdir ve Milli meclisde onun kimilerinin deputat olmasi bu millete boyuk tehqirdir.

Eli 2020-07-10 22:19:54

Bu adam niye nele aktivleşib acı bunlsr bir yerde guya xalqa xidmet edirdiler imdi ne olduBunlat ne gündedir ay Allah guya xalq bunlara insnirmış

Son yazılar