SƏFƏRBƏRLİYİ HOQQABAZLIĞA ÇEVİRƏNLƏR – İcra başçılarının səfərbərlik şöbələrində nə işi var?
Tovuz istiqamətində baş verənlərin insanlarımızın içində Qarabağın işğalı, xalqımıza qarşı törədilən qətliamlar səbəbindən illərdən bəri yığılıb qalmış qəzəb, intiqam hislərini alovlandırması təbiidir. Əsasən gənclərdən ibarət vətəndaşlarımızın paytaxtda baş tutan məlum aksiyası və torpaqlarımızın azad edilməsi üçün səfərbər olmaları da bunun davamı hesab edilməlidir.
Qısa müddətdə minlərlə gənc Səfərbərlik və Hərbi Xidmətə Çağırış üzrə Dövlət Xidmətinin yerli şöbələrinə gedərək, könüllü kimi qeydiyyatdan keçiblər. Lakin təəssüf ki, bəziləri bu işi də illərdən bəri öyrəşdiyimiz növbəti süni, şit bir kampaniyaya çevirməkdədirlər. Xüsusilə də icra başçılarının bu prosesdə “boy göstərməsi” insanlarda qıcıq və məyusluq hissi yaradır.
Artıq Göyçayın və Abşeronun icra başçıları yerli səfərbərlik şöbələrinə gedib, adlarını siyahıya yazdırıb, pozlar verərək, şəkillərini mətbuatda yaydırıblar. Yəqin ki, başçıların başlatdığı və özlərindən başqa heç kimə lazım olmayan bu kampaniyanın davamı gələcək və digər rayonların rəhbərləri də bu prosesə qoşulacaqlar.
Məlumat üçün bildirək ki, Göyçayın icra başçısının yaşı 65-i ötüb. Abşeronun icra başçısı isə qadındır. Yəni dünya dağılsa, bu adamları heç kim savaşa-filana aparan deyil. Bəs belə olan halda, bu nə artistlik, nə əttökənlikdir görəsən? Guya insanlar bilmir ki, istənilən, xüsusilə də “köhnə uklad”dan olan icra başçısı onun canına iynənin ucu qədər, yaxud milyonlarına bircə qəpiklik ziyan dəyə biləcəyindən şübhələnsə, səfərbərlik xidmətinin heç qapısına, həndəvərinə də yaxın getməz? İndi də bilirlər ki, siyahıya yazılmağın onlara zərrə qədər də təhlükəsi yoxdur. Əksinə, növbəti dəfə xalq üçün hansısa vacib, əhəmiyyətli bir işin içinə etmək fürsəti yaranıb ki, bunu da edirlər...
Əslində, bu adamların səngəri başçılıq etdikləri rayonlardakı şəhid, əlil ailələrinin qapısı olmalıdır. Vətənə xidmət etmək istəyirlərsə, o qapılarda xidmət etsinlər. Ancaq hansını tərpətsən görərsən ki, hərəsinin tək bir villasının dəyəri həmin rayondakı bütün şəhid ailələrinin daxmalarının dəyərinin cəmindən qat-qat çoxdur.
Belələrinin vətənpərvərliyi, könüllülüyü də ölkə rəhbərliyinin ünvanına söylədikləri təriflər, mədhiyyələr kimi saxta, yalançıdır. Keçirdikləri tenderlərdən tutmuş verdikləri torpaq, tikinti icazələrinə qədər hər şeyi korrupsiya, rüşvət mənbəyinə çevirənlərin, vətəndaşın salamını da pulsuz almayanların vətən, torpaq, millət sevgisinə, fədakarlığına kim inanar?!
Qısa müddət bundan əvvəl DTX Abşeron Rayon İcra Hakimiyyətində əməliyyat keçirdi. İcra başçısı İradə Gülməmmədovanın özündən başqa qurumun az qala bütün vəzifəli şəxsləri istintaqa cəlb olundu, baş memar da daxil olmaqla, bir neçə nəfər həbs edildi. İndi kimsə inanarmı ki, bütün rayonlarda başçıların 1 nömrəli pulyığanı olan baş memar Abşeronun xanım icra başçısından xəbərsiz bu işlərə qol qoyub? Guya kim bilmir ki, istənilən icra hakimiyyətinə rüşvət kimi daxil olan hər qəpiyin başçıya hesabatı verilir? Bütün bunlardan sonra bu başçının səfərbərlik xidmətinə gedib reklam şəkilləri çəkdirməsinin adı nədir?
Yaxud olsun fəaliyyətindən ən çox narazılıq, şikayət daxil olan başçıların sırasında yer alan Göyçayın icra başçısı. Sıravi vətəndaşdan şəhid ailəsinə, iş adamından fermerə kimi Mehdi Səlimzadədən şikayət etməyən yoxdur. Onunla bağlı mətbuatda yayılan korrupsiya iddialarının da sayı-hesabı yoxdur. Kreslosundan bərk-bərk yapışan bu adam ötən il 65 yaşı ötmüş məmurların işdən çıxarılması ilə bağlı sərəncamlardan sonra necə küyə düşübsə, hətta "Wikipedia"dan və İcra Hakimiyyətinin rəsmi saytından təvəllüdünü də sildirib. Bu “fərasət”in, dərrakənin, dünyagörüşünün sahibi səfərbərlik şöbəsində könüllü yazılsa nəyə, yazılmasa nəyə yarayar?
Bir sözlə, bu və digər buna bənzər icra başçıları dövlətin icra orqanlarını gözdən saldıqları bəs deyil, insanların qəlbən qoşulduqları könüllü səfərbərlik prosesini, vətənpərvərlik, fədakarlıq hislərini də öz yersiz “təşəbbüsləri”lə aşağılamaqla məşğuldurlar.
Bəli, kimsə deyə bilər ki, biri yaşı 65-i keçmiş, digəri isə qadın icra başçılarının özlərini könüllü yazdırması simvolik xarakter daşıyır və məqsədləri gəncləri ruhlandırmaqdır. Amma vallah da, billah da belə “təşəbbüslər” əks effekt verir. Çünki istənilən rayonun nəinki gənci, qocası da və hətta məktəbə gedən uşağı da gözəl bilir ki, başçı nəylə məşğuldur, hansı əməllərin sahibidir. Onu da bilir ki, bir çox məmurlar əgər təslimçilik təbliğatına dair göstəriş verilsə, erməniyə gülə atanları vətən xaini çıxarmağa belə hazır olan mənəviyyata malikdirlər.
Odur ki, saxta vətənpərvərlik görüntüsü üçün növbəyə duran icra başçıları, məmurlar bu işdən nə qədər uzaq dursalar, bir o qədər yaxşıdır. Ondansa gedib bacardıqları işlə məşğul olsunlar, çünki bu, onlara daha çox yaraşır...
Cəlal Məmmədov
“AzPolitika.info”
Şərhlər
Belə hrəkətlərin cavabsız buraxılması anlaşılan deyil.
Bizdə "camaatı" inandırmaq üçün ancaq ölmək lazımdı. Koronavirusa inandırmaq üçün ölmək, vətənpərvər olduğuna inandırmaq üçün ölmək və s. Amma nədənsə "camaat" whatsapp-dakı erməni təbliğatına inanmaq üçün həmin səs yazılarının "sahibləri"nin ölməsini gözləmədən inanırlar. Bir insan bir işi müsbətdirsə denən müsbətdir. Daşın altında nəsə axtarmağın və ucundan tutub ucuzluğa getməyin nə mənası?
Ayə, bəlkə bunlar partizan olmaq istəyir?
Üzr istəyirəm hamidan saysiz hesabsiz hüzn məclisi bizlərdə yas deyirlə aparici olmuşam söz sahibi belə mərasimlər üzrə unikar təcrübəm var özüdə ən kədər_qəhərli taciklər arasinda ölü götürmüşəm :- vətənpərvərlik xalq coşqusunu sünülüklə haram qatanlara əti baliqdan fərqləndirməyən bir çox vətənpərvərin çixişlarina qulaq asmişam tənqid etmirəm yardim edirəm xahiş edirəm Tovuz əməliyyati qurtarana qədər bəlağətli vəsflərə maratoriya elan edəsiniz , yüksək amallar haqda danişmaqla camaati utandirmayasiniz :-Hərədə bir qarişqa yükü götürün yetər . Bütün vətənpərvərlik ruhunun oyanmasi filan əsgərlərimiz üçündür . 70 nəfər tutulubsa onlarin çixarilmasi ətrafinda həmrəylik ola bilər əgər 70 nəfər yada düşmürsə amerika filmi var Siravi Raynin xilasi bir film ABŞ-in dünya müharibəsindəki qələbənin təminati idi elə güclü müdaxilə idi halbuku 26 milyon itki verən SSSr belə obraz yaratmaqdan yan kecdi ağil çatmadi :_ mövzuya bir haşiyyə : Əvvəla çoxsayli pafos çixişlari yaddaş kartimda mövzu kontekstinda 13 ball sistemində 5 balla qiymətləndirirəm , 13 bal verərdim o halda ki , iştirakçilarin 12 -də axirinci İlham Əliyev şəhrini verərdi lakin İlham Əliyevin şəhri bəzən 20 il gecikir bu davraniş Dalay Lamalara aid xüsüsatlardan olduqu üçün Lama sirri kimi müqəddəsdir açmaqa da cürət etmirəm. Misal 3 yaşli lama barmaqini soranda lamalar kollegiyasi toplanti yapar və müəyyən edərdilər ki Lama axirinci dəfə nə yeyib ? deyəndə ki bal yeyib , bali gətirən kəndli mükafatlandirildi filan biz anlayan şeylər deyil . Şiyələrin Müçtəidə dini təlqinni Katolik Kilsəsə Opus Dea fenomenlərindən də qabaq Yaponiyayada Mu , Bodxi_Draxmanin Çin səddini aşamazdan qabaqda qədim Sin Çu və Çjuan _Qua dinastiyalarindan qalma səlnamələrdə sap ucu xatirlamalar vardir . Misal yapon fixaomi təriqətində belə hadisə olmuş idi , yüksək ranqi olmayan bir kəndli yapon teatral xarakey işarəli tərif qadalarini pozub sözlə bğazdan artiq biz başa düşən həddə tutaq ki , Knyazi tərifləmiş və başinin vurulmasi əmr eşitmiş idi . Axi niyə sualina ? cavab almiş idi ki sən mərasimi pozdun bütün tərifləri acgözlükdən çəkdin başiva , yerdə qalan rəyyətə heç nə saxlamadin 40 illik məddah pivəsini qurutdun bu da cəzan . Əlbəttə ki samuray etiketi bizdən tələb etmək ədalətsizlik və anlaqsizliq olardi hər nə isə nə yadima düşdü yersiz olsa bağişlayin . Dinastiyanin başçisi və ailəsi təkçə qədim Misirdə təlğinin mükəmməlik pik həddində deyildi , belə ki Faraonun qəbrinə ən mükəmməl təlğin ustalarini qoymaq kimi adətlər var idi və sonda kahinlər belə nəticəyə gəldilər , ki hami diri Faraonu təlqin etməkdə israrlidir . təlqinin Samoan dilində adi mautinoa * rusca tolkoviy slovar Dalyada poruçitelstva_dir tadjik dilinin semantikasinda :-Ман худамро ба шумо месупорам ** azəricə bir az rusca neuklyuje yöndəmsiz də çixsa da özümün vəsfini sənə tapşiriram . Burda mövzuya aid fərqli yanaşma var belə ki , haminin vəsf etmə ehtimali olan obyekti başqalarini utandirmaqla vəsf etmək bir az yöndəmsiz və zərərlidir . Yəni təlğin olunan zat Aliləri İlahi və yaxud büt cismi ya qeyri cizmi mücərrəd metafizik son vaxtlar elm subut etdi Puankare nöqtələrində sikst * zərrəçiklərinin yoxdan var olan nəzəriyyəsi ilə daha məqsədə yaxidir yəni təlğin etdiyindən yəhudi metafizikasi ilə izahli istək gözləmə , İngilis protestant Dəniz məcəlləsi ilə bizdə də İnzibati icraatda 31 ya 34 -cü maddələr həvalə etmə ilə vəzifə qoyma faktiki məcbur etmə haqda inzibati aktlarin mövcudluqu filan bəsməkan . məcbur etmə təlğini ümümiyyətləazərbaycanlilara xas psixosomatik adət ənənələrində ucuzlaşib qabaqlar olub misal Haci Zeynəlabdini bir məhəllədə təlqin edəndə gözləntiddən Prelmanin zərrəciklərindən də nə isə şam plovuna qatilirdi bir dua da təğinin növlərindədndir
Səfərbərlik haradır? 30 ildir Qarabağa Azadlıq şüarı var, bircə 2016 irəliləyişinə də STOP qoyduları
Azpolitika qarşilaşacaqimiz zəlzələli riyakarliqin qarşisini aldiqiniza görə minnətdaram hər şeyi məhf etdilər bircə qəbir şəhid haqda hisslər qalib onu da çixardardilar bazara
Mende bu yax|nlarda getd|m g|r|sde ele b|r tan|d|g|m adamla uz-uze geld|m ve 0yrend|mk| 0da bu |sden 0tru burdad| --yavasca aradan c|xd|m-- tupurdumee dabana! Cunk| b|l|rs|z qardaslar bez| adamlar sehv basa dusmes|n 0RDU |le art|stl|y| akty0rlugu balet| SEHV salanlar var!
İstedadlı və cəsarətli qələm sahibi Cəlal Məmmədov qələminiz Mirzə Cəlil qələmi kimil kəsərli olsun
hər ikisini təcili ön cəbhəyə aparmaq lazımdır..
metamorfoza
Yaltaxligin yeni uslubu
Bunların övladları.nəvələri və yeznələr haradadır ki,onlarıi göndərmək lazımdır cəbhəyə.Bunlarda arada bazarlıq edib getsələr elə vətənə xidmətdə olarlar.
Qaninda azerbaycanli qani dashiyan her Azerbaycan vetendashi Ali Bash Komandanin sesine ses verib qeydiyyatda olduqlari rayonun Herbi Seferberlik Xidmetinde qeydiyyata dushmelidir. Bu bizim vetene olan borcumuzdur. Qeydiyyata dushdukden sonra shekil cekdirib poza verenleri qinayiram. Bu duz deyil. Eger senin torpagini dushmen ishgal edibse, bir nefer kimi hamimiz dushmene qarshi birleshmekiyik. Bu bizim vetendashliq borcumuzdur.
əla şəhrdir, artistləri, mügənniləri, deputatları da əlavə etmək olardı
Mənim səlahiyyətim çatsaydı hər iki RİHB-vəzifədən azad edib, işlərini yoxlatdırıb, qadını əsgər yeməkxanasına qabyuyan, o birisini qazanxanaya sobaçı göndərərdim.
İcra başçısı zəhmət çəksin istehfa ərizəsini yazsın, elə yazılsın orduya. Onda deyərəm əhsən. Yoxsa bu hoqqabazlıqdan başqa bir şey deyil
Bunun sroku kecib.
Lap şitini şorunu çıxartdılar Vallah.Caamatı ələ salmaq lazım deyil
deputatlar yalandan nenelerin elinden opurduler, indi de IH esgerliye yazilirlar.Ayib olsun bele yalanci insanlara, utanib olsunlet
Nə indi bunların ikisini də tutub aparalar hərbi xidmətə...Amma bunu agıllı adam edər....
Belə hərəkətlərə Möhtərəm Prezident təcili qiymət verməlidir.Öz dələduzluqlarını ört-basdır emək təçəbbüsü hamıta aydın olduğundan belə hərəkətlər boş buraxılmamalıdır...
bunlar orduya yararsızdırlar, yaxşı olardı hərəsi ən azı 1-2 milyon manat şəxsi pullarından silahlı qüvvələrə yardım fonduna pul köçürsünlər qəbzinin şəklini çəkib ictimailəşdirsinlər ....olsun iş....
Şəkildən göründüyü kimi qadın başçı HSX-də "xadimə" vəzifəsinə iddia edir.Göyçaylı "Mixaylo"muz isə bədəbəddə qarovulçu vəzifəsinə yarayar.
Çox sağ ol ay Cəlal elə bil ürəyimdən xəbər verdim
Hələ bu manıs tayfası da guya orduya yazılır.əksəriyyəti komissavat olunmuş adamlardı , indi toy yoxdu gündəmdə qalmaq istəyirlər.
Əhsən “Azpolitika”ya və Cəlal Məmmədova. “Azpolitika” deyəsən hələ gördüyü işlərdən özü də bixəbərdir. O, qara maskalı oğlanlardan az iş görmür. Cəlal Məmmədov yazısında Səfərbərliyə təkcə icra başçılarını deyil, məs. Ramiz Mehdiyevlə, Əli İnsanovu, Yelmar Məmmədyarovu, gözəl nazirimiz Oktay Şirəliyevi də əlavə edərdi və ya bu şəxslərin yaxın qohumlarından kimin qeydiyyatdan keçmələrini aydınlaşdıdardı. Mənim Almaniyada yaşayan dostlarım var, yalvar-yaxar edirlər ki, biz necə edə bilərik ki, Vətənə qayıdaq onu qorumağa gedək. Bəli, belə insanlar minlərlədir, onlar mənə inandıqları üçün mənə müraciət ediblər. Bir də Cəlal Məmmədovdan xahiş edərdim, keçmiş şərhlərimdə də yazmışdım, Ramiz Mehdiyevlə, Əli İnsanovun doğum şəhadətnaməsinin kökünü axtarıb tapardı, onda Azərbaycanda baş verən başıpozuqluğun əsl səbəbi bəlli olacaq, bu da Cəlal Məmmədovun Azərbaycan xalqı qarşısında böyük xidməti olardı
единственный журналист сайта азролитика.инфо объективно анализирующий злободневные темы -Джалал Мамедов ,спасибо вам. Благодар
Onları qeydiyyata alan nümayəndə mən olsaydım ... Bilirsiizmi nə deyərdim?...
Icra Başçılarının Səfərbərlik və Hərbi Xidmətə Çağırış üzrə Dövlət Xidmətinin yerli şöbələrinə gedərək, könüllü kimi qeydiyatdan keçmələri özlərini vətənpərvərlik kimi göstərmək süni xarakter daşıyır. Hər bir məmur həqiqətəndə dövlətini və xalqını qəlbən sevirsə birinci növbədə öz xidmətləri ilə cənab Prezidentimizin etimadını doğrultmalıdır. Rəhbərlik etdikləri rayonda sosial narazılıqların yaranmasına imkan verməsinlər, Şəhid ailələrinə,imkansız ailələrə maddi və mənəvi köməklik göstərsinlər... Köməklik göstərirlərmi....??? Xalqın gözü tərəzidir, ona görədə süni xarakter daşıyan reklamlardan uzaq olmalıyıq.
Qoca İH başçıları özlərini yalandan çağırışa qoşmaqla səfərbərliyi hörmətdən saldılar.Göyçayın İH başçısı Mehdi Səlimzadə .... bibisi oğlunun qaynatasıdır.Onun səfərbərliyə getməsi Mir Şahinin koronavirus xəstəsi olması kimi düzməcə bir addımdır.
Bunlar artistlik etmirler ey meymunliq edirler.
Artist olmağı bacarmayan məmur ola bilməz.
Vətən kasıblarındır. Onu biz qorumalıyıq. Məmurlar 27 ildir nə özləri nə də uşaqları bunu etməyiblər. Artistliklə məşğuldurlar. Onların işi bu tarpağı milləti talan-qarət etməkdir.
İcra başçılarını bir yerə salın diz.bata.
Düppədüzdür.