Yeni nazir müavini kimdir?- DOSYE
Xəbər verdiyimiz kimi, Prezident İlham Əliyev Kənd Təsərrüfatı Nazirliyinin Aparat rəhbəri Sarvan Cəfərovu Kənd Təsərrüfatı naziri İnam Kərimovun müavini vəzifəsinə təyin edib. Musavat.com yeni nazir müavinin tərcümeyi-halını təqdim edir:
Cəfərov Sarvan Elxan oğlu 28 oktyabr 1985-ci ildə anadan olub. 1992-2003-cü illərdə Bakı şəhərinin 178 saylı orta məktəbində təhsil alıb. 2003-2007-ci illərdə Bakı Dövlət Universitetində Politologiya ixtisası üzrə bakalavr, 2008-2010-cu illərdə isə Milli təhlükəsizlik və siyasi strategiya ixtisası üzrə magistr təhsili alıb. Hər iki pillə üzrə təhsilini fərqlənmə diplomu ilə bitirib. 2007-2008-ci illərdə hərbi xidmətdə olub. 2012-2015-ci illərdə Azərbaycan Dövlət İqtisad Universistetində Biznesin təşkili və idarə olunması ixtisası (MBA) üzrə magistr təhsili alıb.
“2007-2015-ci illərdə Azərbaycan gənclərinin xarici ölkələrdə təhsili üzrə” Dövlət Proqramı çərçivəsində 2015-2017-ci illərdə Avstriyada yerləşən Beynəlxalq Anti Korrupsiya Akademiyasında magistr təhsili alıb. Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinin doktorantıdır. 2009-2012-ci illərdə Əmlak Məsələləri Dövlət Komitəsində məsləhətçi, 2012-2018-ci illərdə Vətəndaşlara Xidmət və Sosial İnnovasiyalar üzrə Dövlət Agentliyində sədrin köməkçisi vəzifəsində işləyib.
2018-ci ilin aprel ayından 2019-cu ilin noyabr ayına qədər Kənd Təsərrüfatı Nazirliyində nazirin köməkçisi, 2019-cu ilin noyabr ayından 2020-ci ilin mart ayına kimi nazirin müşaviri vəzifəsində işləyib. 2020-ci ilin mart ayından Kənd Təsərrüfatı Nazirliyində Aparat rəhbəri vəzifəsində işləyib.
İngilis və Rus dillərini bilir. Evlidir, 3 övladı var.
Şərhlər
Vəzifəyə qohum-qardaşlar təyin olunur ?
Malades
Bu nazir digerlerinden ferqli olaraq her bir vezifeye layiqdir.Haqsız olmayın onun işi göz qabağındadırİt gününe qoymuşdular kend teserrüfatı nazirliyini
Bu heç kənd təsərrütı üzrə mütəxəssis deyil Mən inanıram ki o çox kənd təsərrüfatı məhsullarının adını belə bilmir
Artıq ixtisas önəmli deyil......???
Qohumbazdıq heçvaxt bitməyəcək. Ömrünü gəncliyini dövlət işində xərcləyənlər isə uzağı sektor müdiri ola bilər
AYE,KEND TESERRUFATI DEYIL,LAP ,,ASAN,,XIDMETDI
Nazirin lap yaxın qohumudur.