"LUKAŞENKO SEÇKİLƏRDƏ LİDERDİR"- Belarus MSK

Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb. Bu barədə "Report" RİA "Novosti"yə istinadla xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82-nin səslərini toplayıb.

Exit-poll-un nəticələri əsasında “MİR” telekanalı məlumat yayıb ki, hazırkı dövlət başçısı Aleksandr Lukaşenko bu gün Belarusda keçirilən Prezident seçkilərində 79,7% səslə qalib gəlib.

"Belta.by" xəbər portalında dərc edilmiş xəbərdə əlavə olunub ki, eksitoplun nəticələrinə görə, digər namizədlər - Svetlana Tixanovskaya 6,8%, Anna Kanopatskaya 2,3%, Andrey Dmitriyev 1,1%, Sergey Çereçnya 0.9% səs toplayıb.

Qeyd edək ki, Belarusda prezident postuna 5 iddialı var. Bunlar hazırkı dövlət başçısı Aleksandr Lukaşenko, sabiq deputat Anna Kanopatskaya, Belarus Sosial-Demokratik Qramada Partiyasının sədri Sergey Çereçnya, “Düzünü Danış” Birliyinin həmsədri Andrey Dimitriyev və bloger Sergey Tixanovskinin həyat yoldaşı Svetlana Tixanovskayadır.

Qeyd edək ki, Lukaşenko altıncı dəfədir prezident seçkilərində namizəddir. 

635x100

Şərhlər

Hər hansısa bir şərh yazılmayıb.

Son yazılar