Ebolanın çarəsi tapıldı

Ümumdünya Səhiyyə Təşkilatı peyvəndləri sınaqdan keçirir

Ebola xəstəliyinə qarşı eksperimental peyvəndin yeni ilin başlanğıcınadək istifadəyə veriləcək. Bu barədə Ümumdünya Səhiyyə Təşkilatı (ÜST) bildirib.

ANS PRESS-in məlumatına görə, ÜST-nin direktor müavini, doktor Mari Pol Keni Cenevrədə Ebola xəstəliyinə qarşı peyvəndlərin Avropada, Birləşmiş Ştatlarda və Afrikada kliniki təcrübələrdən keçirildiyni deyib: "Peyvəndlər təhlükəsizdir və Qərbi Afrika ölkələrində yanvar ayında təcrübədən keçirilə bilər. Ebola xəstəliyinə qarşı peyvəndin geniş istifadəyə nə zaman veriləcəyi hələlik bilinmir."

İspaniyada səhiyyə nümayəndələri Ebola virusuna yoluxmuş tibb bacısının yardımçısı Tereza Rineri Ramosun virusdan xilas olduğunu bildiriblər. O, bu ayın əvvəlində Ebola virusuna yoluxduğu test zamanı təsdiqlənib və xəstəxənaya yerləşdirilib.

Xatırladaq ki, Ebola xəstəliyi Qərbi Afrikada bu il 4500-dən çox insanın ölümünə səbəb olub.