UEFA Krımla bağlı son qərarını gələn ay verəcək
Pyotr Poroşenko Mişel Platini ilə görüşüb
Ukrayna prezidenti Pyotr Poroşenko Mişel Platini ilə görüş keçirib. ANS PRESS-in məlumatına görə, Kiyevdə baş tutan görüşdə UEFA prezidenti ilə Krım klubları müzakirə olunub.
Ukrayna lideri idman təşkilatlarının yarımada uğrunda siyasi savaşa müdaxilə etməməli olduqlarını bildirib. Platini isə öz növbəsində UEFA-da işçi qrupunu yaratdığını və dekabrın 4-də məsələylə bağlı son qərar veriləcəyini söyləyib.
Qeyd edək ki, Rusiya Futbol İttifaqı (RFİ) tərkibinə 3 Krım klubu - Yalta "Jemçujina"sı və Sevastopolun TSK və SKÇF komandalarını qəbul edib. Klublar artıq Rusiyanın 2-ci divizionu və ölkə Kubokunda iştirak ediblər. Buna etiraz edən Ukrayna tərəfi UEFA-ya şikayət edib.
Avropanın ali futbol qurumu həmin klubların iştirakı ilə keçirilən görüşlərin nəticələrini tanımayacağını bildirsə də, RFİ-ni cəzalandırmayıb.
Şərhlər
Hər hansısa bir şərh yazılmayıb.