Ermənilər 12 saat ərzində 12 milyon dollardan çox yardım yığdılar
Dünya ermənilərini birləşdirən “Ayastan” fondu noyabrın 27-də ABŞ-ın Los-Anceles şəhərində ənənəvi telemarafon keçirib.
“Media forum” saytı xəbər verir ki, noyabrın 27-si saat 20-də başlayan telemarafon noyabrın 28-si saat 8-də bitib.
12 saatlıq telemarafonda 12 milyon 399 min 550 dollar toplanıb. Vəsaitin böyük bir hissəsi işğal altında olan Azərbaycan torpağı Dağlıq Qarabağa, o cümlədən 116 kilometrlik Vardenis-Mardakert (Basarkeçər-Ağdərə) magistral yolunun (Kəlbəcərdən keçir) tikintisinə xərclənəcək.
Avropa ölkələrində noyabrın 19-dan 23-nə kimi Dağlıq Qarabağa yardım məqsədilə keçirilmiş telefon marafonunda 1 milyon 370 min avro vəsait yığılmışdı.
1992-ci ildə yaradılmış “Ayastan” fondunun idarə heyətinə Ermənistan prezidenti sədrlik edir. Fond indiyədək Ermənistanda və Dağlıq Qarabağda müxtəlif layihələrin gerçəkləşdirilməsi üçün 236 milyon dollar toplayıb.
Şərhlər
Hər hansısa bir şərh yazılmayıb.