AZƏRBAYCANDA VƏZİFƏLİ ŞƏXS RÜŞVƏT ALARKƏN BELƏ YAXALANDI - VİDEO
Rüşvət müqabilində dövlət mülkiyyətində olan mənzilləri istifadəyə verən vəzifəli şəxs ifşa edilib.
Baş Prokurorluğun Mətbuat xidmətindən verilən məlumata görə, Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin Ağdam Rayon Mənzil kommunal istismar sahəsinin rəisi Valeh Abdullayevin qanunsuz hərəkətləri ilə bağlı keçirilmiş təxirəsalınmaz əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.
Əməliyyat-istintaq tədbirləri ilə Valeh Abdullayevin müxtəlif şəxslərin işlə təmin olunması, təqaüd yaşına çatanların işdən çıxarılmaması, faktiki olaraq işə gəlməyən şəxslərə əmək haqqı verilməsinə şərait yaradılması, təmsil etdiyi qurumun balansında olan mənzillərin başqa şəxslərin istifadəsinə verilməsi və digər bu kimi qanunsuzluqlar müqabilində onlardan təkrarən rüşvət istəməsinə əsaslı şübhələr müəyyən edilib. Valeh Abdullayev tələb etdiyi pul vəsaitlərini vətəndaşlardan alarkən cinayət başında yaxalanıb.
Sadalanan qanunsuz əməllər əməliyyat-axtarış tədbirləri zamanı qeydə alınan videogörüntülər, Valeh Abdullayevin xidməti otağına keçirilmiş baxış nəticəsində götürülmüş sənədlər və digər sübutlarla təsdiqini tapıb.
İlkin sübutlar əsasında Valeh Abdullayev Cinayət Məcəlləsinin 311.3.2 (rüşvət alma təkrar törədildikdə) və 312-1.1 (vəzifəli şəxsin qərarına qanunsuz təsir göstərmə - nüfuz alveri) maddələri ilə şübhəli şəxs qismində tutulmaqla ona həmin maddələrlə ittiham elan edilib, barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə ev dustaqlığı və vəzifədən kənarlaşdırma növündə qətimkan tədbirləri seçilib.
Hazırda qeyd edilən qanunsuz əməllərin törədilməsində hər hansı formada iştirak etmiş şəxslərin müəyyən edilərək məsuliyyətə cəlb edilməsi və digər halların yoxlanılması istiqamətində əməliyyat-istintaq tədbirlərinin həyata keçirilməsi davam etdirilir.
Şərhlər
Belə tədbirlər Şəki İcra hakimiyyətində , Kommunaxoz idarəsində və Şəki Bələdiyyəsində keçirilsə çox yaxşı olar .....?
komitə sədri oğrubaşıdır, almaniyada iki restoranI var, heç soruşan da yoxdur ki, sən də bu pullar haradandır...
Uzun illərdir velə hallar baş verməkdədir.Yəqin bu adam yuxarıda kimisə aldadıb.haqq-hesabda kəf gəlib.
Yek dəyərli *ArPolitika.İNFO*muz, bolşevik-daşnaqların hüquqlarından terrorla zəbt etdikləri doğma mülklərinin əvəzinə dövlətin, xalqımızın digər hissəsinin mənzil, yataqxana, büdcə payından kəsib, ayırdıqlarını da BELƏləri təkrar qaçqınlara satırmışlar? Digər qruplaşmalar isə girovsuz iri şəbəkələr açmaqla əhalini aldadır, minindən əmanət yığıb, cəmisi onuna verib, qalanını Xariicə ötürürlər?
Bu quldur ev dustaqlığına , jurnalist xanımlar həbsə ? Ah necə də gözəlsən Azərbaycan
Milyardları trilyonları millətə atanlara sağ ol deyilir. Deməli bu millətə nə qədər çox atsan bir o qədər yaxşısan.
OY BAŞIMA XEYIR DEYITLER LENIN BABA OLUB.