22 MİLYARD DOLLARLIQ KORRUPSİYA FAKTI AÇIQLANDI- Azərbaycan gömrüyünün yeni "REKORDU"
İdxalın bir hissəsinin qeydiyyata alınmaması və malların dəyərindən dəfələrlə aşağı qiymətə rəsmiləşdirilməsi nətiçəsində 2008- 2013-ci illərdə büdcə təxminən 10 milyard dollar itirib
İqtisadçı-alim Qubad İbadoğlu korrupsiya faktları ilə bağlı sensasion açıqlamalar edib. O, bu bardə sosial şəbəkədəki səhifəsində yazıb və cədvəl yerləşdirib. Q.İbadoğlu yazıb:
"Bu gün beynəlxalq anti-korrupsiya günüdür. Odur ki, mən də öz növbəmdə Azərbaycanda korrupsiyanın azadılması işinə töhfəmi vemək üçün 2013-cü ilin məlumatlarını da daxil edib, güzgü statistikası metodologiyası əsasında yeniləşdirdiyim heablamalarımın nəticələrini təqdim edirəm.
Hesablamalar Azərbaycanın əsas ticarət təfərdaşları olan 15 ölkədən Azərbaycana idxal məlumatları əsasında aparılıb. 2008-20013-cü illəri əhatə edən bu hesablamalara görə son 6 ildə qarşı tərəfin verdiyi məlumatlarla bizim rəsmi statistik məlumatlar arasında fərq 21,58 milyard dollar, il ərzində isə orta hesabla 3,6 milyard dollar təşkil edir. Son 6 ilin trend təhlili göstərir ki, fərqin dinamikası pozitivdir və ən yüksək göstərici 2013-cü ildə qeydə alınıb - 4,9 milyard dollar.
Daha geniş məlumatı aşağıdakı cədvəldə verilib.
Maraqlıdır, Gömrük Komitəsi 15 ölkə ilə idxalatda yaranmış bu həcmdə fərqi nə ilə izah edəcək. Yəqin ki, heç bir reaksitya verilməyəcək. Məsələ ondadır ki, Azərbaycanın ticarət tərəfdaşı ilə idxal-ixrac əməliyyatlarında böyük fərqin ortaya
Ancaq bu faktlarla bağlı Gömrük Komitəsi heç bir izahat verməyib. Gömrük Komitəsi sussa da, idxal-ixrac əməliyyatlarında yaranan belə böyük fərqin səbəbi aydındır: ölkəyə gətirilən malların bir qismi gömrük qeydiyyatına alınmır, böyük hissəsinin isə dəyəri süni şəkildə aşağı göstərilir. Nəticədə, büdcəyə çatası vəsait mənimsənilir.
Mütəxəsislərin fikrincə Azərbaycanın Dünya Ticarət Təşkilatına üzv olmamağının bir səbəbi də budur. Çünki bu təşkilata üzvlük gömrükdə şəffaflığın olmasını tələb edir. "Məişət səviyyəsində korrupsiyanın qarşısı alınsa da, ən böyük korrupsiya fiskal orqanlardadır. Büdcədən bu vəsaitlərin yayındırılması vergi yükünün sahibkarların üzərinə düşməsi ilə nəticələnir. Gizli dövriyyə büdcədən yayındırmalara, daxili bazarda inhisarçılığa, mikrosəviyyəli uçot və hesabat sistemində problemlərə səbəb olur”- deyə Q.İbdoğlu bildirib.
Onun sözlərinə görə, 2003-cü ildən 2013-cü ilə qədər gömrükdəki maxinasiyalar nəticəsində BÜDCƏDƏN təxminən 22 milyard 960,09 milyon manat oğurlanıb. Başqa sözlə təkcə gömrükdə dövriyyənin gizlədilməsi hesabına ildə büdcə 2,3 milyard dollar itir. Bu pullar hesabına büdcə təşkilatlarında çalışanların əmək haqqını və pensiyaları iki dəfə artırmaq olardı.
MURAD
AzPolitika.info
QEYD: Hörmətli Oxucu! Saytımızdakı reklam banerlərinin üstünə vurmaqla, AzPolitika.info-nun büdcəsinə cüzi (4 qəpik!) xeyir verə bilərsiniz…
Şərhlər
Hər hansısa bir şərh yazılmayıb.