Prezident əlil və şəhid ailələri ilə bağlı sərəncam imzaladı
Baxiş sayı:
Dərc olunub:
22/12/2014 - 20:32
Prezident İlham Əliyev Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərin və şəhid ailələrinin sosial-məişət şəraitinin yaxşılaşdırılması ilə bağlı əlavə tədbirlər haqqında sərəncam imzalayıb.
Sərəncamla Azərbaycanın 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Əmək və Əhalinin Sosial Müdafiəsi Nazirliyinə 10 milyon manat vəsait ayrılıb.
Maliyyə Nazirliyinə və Nazirlər Kabinetinə sərəncamda nəzərdə tutulan məbləğdə maliyyələşməni müəyyən olunmuş qaydada təmin etmək və sərəncamdan irəli gələn digər məsələləri həll etmək tapşırılıb. /AzərTAc
Şərhlər
Hər hansısa bir şərh yazılmayıb.