Masazırda kafe partladı - Yaralılar var
Baxiş sayı:
Dərc olunub:
28/01/2015 - 13:13
Təmir gedən kafedə partlayışa səbəb qaz sızması olub
Abşeron rayonununda kafe partlayıb. Daxili İşlər Nazirliyinin mətbuat xidmətindən ANS PRESS-ə verilən məlumata görə, hadisə Masazır qəsəbəsində baş verib.
Masazır qəsəbəsində qəsəbə sakini Nicat Novruzova məxsus kafedə qaz balonunun sızması nəticəsində partlayış baş verib. Daha sonra isə kafedə yanğın başlayıb.
Nəticədə kafenin pəncərə şüşələri sınıb. Hadisə kafedə təmir işləri aparılarkən olub.
Yanğın zamanı iki nəfər yaralanıb. Bunlar təmir işləri aparan qəsəbə sakinləri Elşad Abbasov və Qabil Quliyev olub. Onlar yanıq xəsarəti ilə xəstəxanaya yerləşdiriliblər.
Şərhlər
Hər hansısa bir şərh yazılmayıb.