Moskvada mer seçkilərində Sobyanin öndədir
Hesab edirik ki, seçkilərin ikinci turu keçirilməlidir”
Moskvada keçirilən mer seçkilərində Rusiya paytaxtının meri vəzifəsini icra edən Sergey Sobyanin 51,33%, müxalifətçi namizəd, məşhur blogger və biznesmen Aleksey Navalnı isə 27,27% səs toplayıb.
APA-nın Rusiya mətbuatına istinadən xəbərinə görə, bu barədə Moskva şəhər Seçki Komissiyası açıqlama yayıb.
Sonrakı yerlərdə kommunist İvan Melnikov (10,70%), “Yabloko” lideri Sergey Mitroxin (3,51%), Dövlət Dumasının RLDP-dən olan deputatı Mixail Deqtyarev (2,86%), “Ədalətli Rusiya”nın rəhbəri Nikolay Leviçev (2,79%) qərarlaşıb.
Seçkilərin ilkin nəticələrini qiymətləndirən A.Navalnının seçki qərargahı onları tanımaqdan imtina edib, namizədin özü isə seçkilərin nəticələrinin ləğv olunmasını tələb edib: “Hesab edirik ki, seçkilərin ikinci turu keçirilməlidir”.
Öz növbəsində S.Sobyanin yekun nəticədə qalib olacağına inandığını bəyan edib.
Şərhlər
Hər hansısa bir şərh yazılmayıb.