“Arzu edərdim ki, övladlarım atalarına oxşasınlar”- Ruhidən ilginc açıqlamalar

“Hansı ana istəməz ki, övladları ataları kimi savadlı alim, bacarıqlı iş adamı olmasın”

Xeyli müddət idi ki, onunla şəxsi həyatı, işi, gələcək planları ilə bağlı müsahibə götürməyə çalışırdım. Ancaq alınmırdı. Hər dəfə meribancasına bir səbəb gətirib, "gələn dəfə, əzizim" deyirdi. Həmkarlarım da onun mediadan uzaq durmağa çalışdığını, şəxsi həyatı ilə bağlı isə ümumiyyətlə danşmağı xoşlamadığını söyləyərək, mənə işimin zor olduğunu deyirdilər. Nəhayət, baş tutdu. Hamımızın biznes-ledi kimi tanıdığımız Ruhi xanımdan uzun müddətdən sonra olsa da, istədiyim müsahibəni ala bildim. Beləliklə, Ruhinin "Qafqazinfo"ya müsahibəsini təqdim edirik:

- Ruhi xanım, sizi mətbuatda çox gec-gec görürük. Deyəsən, müsahibə verirməyi o qədər də xoşlamırsız?

-Düzünü deyim ki, yox. Ən son xeyli müddət öncə “Qafqazinfo”ya müsahibə vermişdim. Əlbəttə, mətbuata da, jurnalistlərə böyük hörmətim var. Onların arasında çoxlu yaxın dostlarım, rəfiqələrim var. Elə onlar da son aylarda dəfələrlə məndən müsahibə almaq istəyiblər, razılıq verməmişəm. Bilmirəm necə oldu amma, sən «saqqızımı” oğurladın. Görünür, səni hamıdan çox istəyirəm(gülürük).

Amma bu o demək deyil ki, mətbuatdan qaçıram. Sadəcə əvvəla, gündəmdə olmağın və ya başqa nəyinsə xətrinə günaşırı mətbuata çıxıb, el diliylə desək, oxucuların «gözünün yağını» aparmağı düzgün hesab etmirəm.

İkincisi də, bilirsiz xeyli müddət idi ATV telekanalında böyük bir layihə həyata keçiridik. “Özünə bax” zövq yarışmasını nəzərdə tuturam. Demək olar ki, hər gün çəkilişlərdə idik. Bu səbəbdən də müsahibə verməyə nə vaxtım var idi, nə də halım.

- Ancaq “Özünə bax” layihənizdən öncə də mətbuatda, ekranlarda çox az-az görünürdünüz...

- O zaman məni bu həyatda ən çox sevindirən bir səbəb vardı- ana olmağa hazırlaşırdım (gülümsünür). Əgər şou-biznesi, mügənniliyi nəzərdə tutursunuzsa, onunla daha əvvəldən vidalaşmışdım. Bunun da səbəbi müqəddəs Kəbəni ziyarət etmyim, Hacc ziyarətinə gedib-gəlməyim idi. Allah hər kəsə qismət eləsin. Əlbəttə, bu adın məsuliyyətini daşımaq asan deyil. Hacc ziyarətində olan insan hərəkətlərində, geyimində, danışığında daha diqqətli olmalıdır. Ən azı ona görə kənardan baxanlar deməsinlər ki, «hacıxanımdır, bunun hərəkətinə və ya geyiminə bax». Odur ki, şou-biznesdən uzaqlaşmağa qərar verdim.

- Bu o deməkdir ki, Ruhi xanımı müğənni kimi bir daha oxuyan görməyəcəyik?

-Bilirsiz necədir, dünyaca taninmiş, nüfuzlu insanlar var ki, müəyyən status daşımasından aslı olmayaraq incəsənətə, musiqiyə olan sevgisindən mahnı bəstələyib və ya ifa ediblər. Bu da fikrimcə, insanın daxili aləminin zənginliyindən irəli gəlir. Mən bunu əvvələr də demişəm, içimdə oxumağa bir istək, necə deyim, qığılcım gördüm və başladım oxumağa. Amma mən heç vaxt sırf müğənnilik karyerasi qurmaq barədə düşünməmişəm. Çünki bu sənət insandan çox böyük məsuliyyət tələb edir. Düşünürəm ki, hər kəs müğənni ola bilməz və buna cəhd etməməlidir. İstedadı, səsi və ən əsası musiqini yaşamaq qabiliyyyəti yoxdursa, əlinə mikrafon almamalıdır. Bəli, mənim fikrimcə, müğənni olmaq üçün oxuduğun hər mahnını yaşamalısan. Onun dilinlə deyil, qəlbinlə oxumalısan, mahnıya özünü qoymalısan. Bu da asan iş deyil. Hər kəsə nəsib olan da bir iş deyil. Bunun üçün musiqi istedadı, savadı ilə yanaşı, Allah insana geniş ürək də verməlidir. Ona görə də xaricdə müğənnilərə böyük dəyər verilir, onlara xüsusi hörmətlə yanaşılır. Bizdə isə təəssüf ki, belə deyil, hətta tam əksinədir. Bu da onunla bağlıdır ki, bir çox hallarda istedadı, musiqi duyumu olmayanlar müğənnilik edirlər. Əlbəttə, istedalı müğənnilərimiz də çoxdur. Məsələn, bu yaxınlarda Zülfiyyə xanımın Mir Yusiflə olan bir duetini dinlədim. Yay aylarıdır deyə Novxanıda yaşayırıq, şəhərdən bağa qədər- o uzun yolu həmin mahnını dəfələrlə dinlədim. İnanın, sanki mahnıyla yaşadım. Bax əsl müğənni oxuduğu mahnını dinləyiciyə yaşatmağı bacarmalıdır. Ona görə də, müğənni olmaq həm böyük sərvətdir, həm də böyük məsuliyyət tələb edir. Mən çox məsuliyyətli, hər şeyə ciddi yanaşan insan olduğuma görə müğənni adını boynuma götürə bilmədim.

Düzdür, ifa edə bilərəm... Ancaq istisna hallarda, öz yaxınlarım üçün. Məsələn bu yaxınlarda öz balalarım üçün mahnı oxumuşam. Xanım İsmayılqızının bəstəsidir, Məhəmmədimlə Həsəninmə həsr olunmuş bir mahnıdır. Yəni belə balalarımla bağlı, ya çox dəyər verdiyim başqa biri ilə, nə iləsə bağlı mahnı olarsa, daxilimdən gələrsə zümzümə edərəm. Amma müğənni kimi deyil, sadəcə Ruhi kimi...

- Yox, əlbəttə, niyə çəkinməlidirlər? Hörmət edirlər desək, daha düzgün olar. Tanıyanlar bilir, sənə də məlumdur ki, mən ünsiyyətdə olduğum hər bir insana, çox böyük hörmətlə yanaşan, ona bacardığım yaxşılığı etmək istəyən biriyəm. İnanın, bunu kiməsə xoş gəlsin deyə etmirəm, sadəcə təbiətim belədir. Həyatım boyu bilərəkdən heç kimə pislik etməmişəm, yuxarıdan aşağı baxmamışam və yəqin ki, bundan sonra da belə olacaq. Təbii ki, özümə qarşı da o hörməti tələb edirəm. Çünki mən sənə hörmətlə yanaşıramsa, sənin də mənə ən azı sayqısızlıq etməyə haqqın yoxdur. Və açığı indiyə qədər heç kimdən də hörmətsizlik görməmişəm.

İkinci bir tərəfdən, mənim müğənni dostlarımla bölüşəcəyim nə isə olmayıb, elə indidə yoxdur ki, dava da salaq. Toy davasına çıxmamışam, reytinq dalınca qaçmamışam, nə bilim gündəmə gəlmək üçün kiminsə «bostanına daş atmamışam» və sair. Dahasını demək istəmirəm... Yəni müğənnilər arasında söz-söhbət belə məsələlər üstündə olur ki, bunlar da mənə yaddır. Mən düşünürəm ki, hər bir xanım ilk növbədə xanımlığını düşünməli, onu qorumalıdır. Çünki, xanım adının arxasında çox böyük məsuliyyət dayanır. Xanım anadır, xanım bacıdır, xanım həyat yoldaşıdır. Buna görə də şəxsiyyətindən, kimliyindən asılı olmayaraq xanımlara hər bir kəs hörmət qoymalıdır. Təbii ki, sən də özünü xanım kimi aparmalısan...

- Xanımları ən çox qayğılandıran məsələlərdən bir də gözəl görünməkdir. Ruhi xanım, Azərbaycanın ən gözəl xanımlarından birisiniz. Maraqlıdır, gözəl qadın olmaq bir xanıma gözəllikdən başqa nə verir?

- Gözəllik başa bəladır, deyirlər(gülür)... Əslində isə mən düşünürəm ki, gözəl qadınlar rəbbimizin çox sevdiyi bəndələrdir ki, ona gözəlliyi lütf edir. Hesab edirəm ki, qadının daxili ona layiq olmasa idi Allah ona digər qadınlardan daha üstün gözəllik lütf etməzdi. Sualınızın ikinci hissəsinə gəldikdə isə deyim ki, gözəllik müəyyən mənada qadına xoşbəxtlik verə bilər. Amma bir gözəlliklə də xoşbəxt olmaq olmur. Məsələn nə qədər gözəl olsa da, qadın əgər ailəlidirsə və ana ola bilmirsə, onu həyatda heç nə xoşbəxt edə bilməz.

Eyni zamanda qadın gözəl və ya eybəcər olmasından asılı olmayaraq, sevilməlidir. Bir qadın gözəldir, amma sevilmirsə, heç nə ilə xoşbəxt olmur. Gərək yanında o sevgini hiss etdirəcək adamlar olsun ki, xoşbəxt olasan. Övladın, doğmaların və səni sevəcək, eləcə də sənin sevəcəyin insan. Ona görə də mən həmişə dualarımda birinci növbədə sevdiklərimə- övladlarıma, doğmalarıma, anama, qardaşıma, özümə və həmçinin məni sevən hər kəsə can sağlığı diləyirəm. İkinci də Allahadan ana olmağı arzulayan hər qadına bunu qismət etməsini arzulayaram. Bu hiss o qədər gözəl hissdir ki... Aybəniz, anasan sən?

-Yox, subayam.

-İnşallah Allah qismət edər. O hiss o qədər böyük bir hissdir ki, ona heç bir şey qalib qələ bilmir. Qadın üçün ən böyük xoşbəxtlik ana kimi övladını qucağına almaqdır.

-Yeri gəlmişkən, Ruhi xanım deyəsən, sadəcə özünüzü səliqəyə salmısınız, makiyajsızsınız.

- Saytınızın oxucuları bir zaman yazmışdılar ki, məni makiyajsız görmək istəyirlər, mən də onların istəyini nəzərə alıb, belə gəldim (gülür)...

- İstənilən halda sevmək və sevilmək insanı xoşbəxt edir. Bəlkə də, övladlarım dünyaya gəlməmişdən öncə bu cür sevgidən çox danışa bilərdim. Amma pafoslu çıxsa da gerçəkdən ana-övlad sevgisi bütün sevgilərdən üstündür, əvəzediməzdir. Övlad sevgisinin yanında bütün sevgilər kiçilir. Əvvəllər bütün sevgisini övladına verən qadınları çox qınayırdım. Deyirdim, “övlad var, var da, insan öz həyatını da yaşamalıdır» və s. Amma indi, Aybəniz, görürəm ki, mən çox yanılmışam... Həm də lap çox... Bilmirəm, bəlkə də mən çox gənc yaşımda ana olsaydım belə düşünməzdim. Artıq hər şeyi götür-qoy edə biləcək yaşda ana olduğuma görə, övlad sevgisini çox dəyərləndirirəm. Bu elə bir hiisdir ki, bütün sevgilərin, bütün istəklərin önünə keçir. Şəxsən mən övladlarıma görə hər şeydən və hər şeydən keçərəm. Övlad sevgisini nə iləsə əvəzləyən, nəyəsə satan qadınları mən çox aciz, cılız hesab edirəm. Odur ki, Aybəniz, incimə mən daha böyük bir yox, iki sevgi yaşadığım halda, ondan aşağıda qalan əks cinslər arasında olan sevgi haqda geniş danışa bilmyəcəm...

- Bəs bəzən sevgini bitirən xəyanətə münasibətiniz necədir? Xəyanətlə qarşılaşmağı gözə alırsınızmı?

- Hər bir insan xəyanətlə qarşılaşa bilər. Axı xəyanət yalnız sevgililər arasında, kişi-qadın münasibətlərində olmur. Yaxın dost bildiyin, güvəndiyin insanlar da sənə xəyanət edə, arxadan zərbə vura bilər. Məncə ən böyük xəyanət də elə budur. Belə xəyanətləri bağışlamaq çətindir, bəlkə də mümkün deyil. Ancaq kişi-qadın münasibətlərində xəyanət həmişə olub, yəqin ki, bundan sonra da olacaq. Bizim millətin mentaliteti elədir ki, kişilər tərəfidən edilən xəyanətlərə adi hal kimi baxılır. Qadınlarmız mənə qəzəblənsələr də, şəxsən mən də o düşüncədəyəm, kişinin xəyanəti bağışlana bilər. Amma qadının xəyanəti..., bilmirəm çətindir, kişi o qədər onu sevməli, o qədər dəyər verməlidir k, onu bağışlaya bilsin. Hərdən mənə deyirlər ki, sən qadın kimi düşünmürsən, kişi kimi düşünürsən. Ancaq mənim fikrimcə, ərinə, ailəsinə xəyanət edən qadın bağışlanılmağa layiq deyil... Əlbəttə deyə bilərsiniz ki, qadın da xəyanəti bağışlamamalıdır. Belə qadınlar da var və mən oların düşüncəsinə də hörmətlə yanaşırım. Amma mənim şəxsi fikrim belədir ki, qadın ailəsini, davamlı münasibətini, övladlarını düşünürsə, kişinin ötəri hisslərindən baş verən xəyanətlərə göz yummalıdır, özünü bilməməzliyə vurmalıdır. Kişi kişidir də, çox şey edər, çox söz deyər... Kişini başa düşmək olar. Çox təəssüf edirəm ki, bizim bəzi qadınlar bu haqda eşitdikdə, dayana bilmirlər. Evdə dava-qırğın salır, səhərdən axşamacan bu haqda danışır, nəticədə illərdir bir evdə yaşadığı insana aralarında heç bir hörmət qalmır. Halbuki qadın- kişi münasibətində sevgidən də vacıib olan hörmətdir. Gərək onun aradan qalxmasına imkan verməysən. Hörmətsiz sevgi ehtiras deməkdir, o da 2-3 aya bitir. Ancaq qarşılıqlı hörmətə söykənən həqiqi sevgi heç zaman bitmir. Sevdiyindən uzaq da olsan, birgə də olsan, onun xəyanətini də görsən, yalanını da görsən, yenə də sevirsən.

-Belə çıxır ki, qadın kimi qısqanc xanım deyilsiniz?

- Əvvəllər çox qısqanc idim, amma övladlarım əlimdən hər şeyi aldılar... Qısqanclığımı, çılğınlığımı, dəliliyimi, hər bir şeyi, heç nə qalmadı, Ruhi oldu bomboş. Məhəmməd bir az aldı, Həsən də bir az... (gülür). Sevgisini övladlarına verən qadında nəyə, kimə qısqanclıq qala bilər?

- Həyatınızın ən keşməkeşli dönəmi nə zaman olub?

-Övladlarım dünyaya gəlməmişdən öncə. Psixoloji olaraq gərgin olmuşam, bəzi zərbələr almışam. Buna görə hətta həyatdan küsən vaxtlarım da olub. Ancaq oğlanlarım dünyaya gələndən sonra gücləndim, rahatlaşdım, həyata baxış tərzim dəyişdı. Düşündüm ki, bu qədər əsəb, bu qədər stress, bu qədər özünə qapanmaq nəyə lazım imiş? İndi məni böyük ölçüdə qorxudan, narahat edən heç bir şey yoxdur. Ancaq eyni zamanda övladlarımla bağlı ən adi narahatçılıqdan bərk qorxuya düşürəm. Azca qızdırmaarı olanda, özümü itirirəm, qorxudan əl-ayağım əsir. Yəni, övlad insanın nəinki həyat tərzini, dünyaya baxışlarını, maraqlarını, istəklərini, hətta qorxusunu belə dəyişə bilir. İşdə, də yatanda da, istirahət edən də onlar haqda düşünürsən.

- İstirahət demişkən, bu yay dincəlməyə hara getmişdiniz?

- Heç bir yerə, Elə Bakıda oldum. Daha dəqiqi yayı Novxanıda, bağda keçirmişəm. Əsində övladlarımı da götürüb, xaricə istirahətə getməyi düşünürdüm. Çünki onlardan ayrı uzun müddət dayana bilmirəm. Ancaq Həsənin səhətində müəyyən problemlər olduğundan, həkimlər hardasa yaş yarıma qədər təyyarəyə mindirməyi, uzaq səfərə aparmağı məsləhət gömədilər. Mən də buna görə, harasa istirahətə gtməkdən daşınıb, bu yayı övladlarıma həsr etdim. Ancaq deyim ki, övladlarımın yanında keçirdimyim hər dəqiqə, mənə istənilən yerdə keçirəcəyim istirahətdən daha xoş təsir bağışlayır, daha çox güc verir.

-Yeri gəlmişkən, oxucular da bilsin ki, Məhəmməd və Həsən əkizdilər. Amma bir-birindən xeyli fərqlənirlər. Adətən onları kimə oxşadırlar?

-Hamı onları daha çox atalarına oxşadır...Mənə oxşamadılar (gülümsünür)... Görənlər, qohum-əqraba Həsənin atasına daha çox oxşadığını bildirilər. Mən isə Məhəmmədi atasına daha çox oxşadıram. Sadəcə Məhəmmədin sarışın olmağı görənləri ilk baxışda aldadır. Amma baxışlarına, sifət ciziləriniə və sairə görə Məhəmməd daha çox atasına oxşayır. Elə uşaqları bir-neçə dəfə görən, diqqətlə baxanlar da bunu təsdiqləyir.

- Yox, niyə narahat etsin. Oğlan uşaqlarıdır, atalarına oxşamaları daha yaxşıdır. Mən arzu edərdim ki, yalnız sifətdən, zahiri baxımdan deyil, həm də ağılda, savadda, bacarıqda atalarına oxşasınlar. Hansı ana istəməz ki, övladları ataları kimi savadlı alim, bacarıqlı iş adamı olmasın. İnşallah belə də olar. Atalar deyib, ot kökü üstə bitər. Onların gələcəkdə atalarının fəxr edəcəyi bir övlad kimi yetişməsi üçün ana kimi nə lazımdırsa etməyə çalışacam.

- Övladlarınız gələcəkdə necə, hansı peşənin sahibi kimi gömək istərdiniz?

- Əlbəttə, bütün analar kimi ik növbədə canlarının sağ, dərddən-bəladan uzaq olmalarını Allahdan diləyirəm. Eyni zamanda onların Allahı heç vaxt yaddan çıxarmayan imanlı, vicdanlı və şərəfli bir insan olmalarını arzulayır, onlarda ən yüksək keyfiyyətləri görmək istəyirəm. Hansı peşəni seçmələri önəmli deyil. Əsas odur ki, yalnız ailəsinin deyil, həm də dövlətinin, millətinin adını ucaldam, intellektli bir şəxsiyyət kimi yetişsinlər. Hər halda bundan sonra mən bütün həyatımı onların vətənə layiqli bir övlad kimi yetişməsinə sərf edəcəm. Və onların seçiminə hörmətlə yanaşıb, bacardığım dəstəyi verəcəyəm.

-Birdən incəsənəti seçsələr necə, yenə dəstək verəcəksiniz? Adətən incənət xadimləri övladlarını bu sahədən uzaq tutmaq istəyirlər...

-Mən elə düşünmürəm, hansı sahəni seçmək insanın daxilindən gələn bir istəkdir. Onun arzularıyla bağlıdır. Bir insanı istədiyi peşədən uzaqlaşdırmaq onun arzularını boğmaq, ideallarını məhv etməkdir. Ona görə də mən valideynlərin övladlarının seçiminə hömətlə yanaşmasının, onlara dəstək verməsinin tərəfdarıyam. Təbii ki, özüm də belə edəcəm.

-Bəs özünüz incəsənətə gələndə ailənizin reaksiyası necə olmuşdu, sizə dəstək vermişdilər?

-Nə danışırsız, nə dəstək, evdə müharibə olmuşdu (gülür). Aylarla məni danışdırmadılar, küsdülər. Təbii ki, onlar başqa şeylərdən qorxurdular...

Amma gərək öz övladlarını tanıyaydılar, ona inanaydılar. İnsanın qabında nə varsa, odur. Nə isə, hər halda sonra yanıldıqlarını gördülər.

-Yeri gəlmişkən, Ruhi xanım, bilirik ki, şəxsi həyatınızla bağlı çox danışmağı xoşlamırsız. Ancaq, oxuculara maraqlıdır, şəxsi həyatınızda hər şey qaydasındadırmı?

-Şükür Allaha ki, hər şey qaydasındadır və dəyişən bir şey yoxdur, necə var elə də gedir. Özümə qarşı insanların o qədər sevgisini hiss edirəm ki, bu da məni xoşbəxt edir. Yəni, xoşbəxt olmağım üçün nə lazımdırsa həyatımda var. Ən əsası anayam. İnan səmimiyyətimə, tam rahatlıqla deyirəm ki, neqativ olan nə var idisə övladlarım yox etdi. Indi bütün fikrim-zikrim onlardır. Düşünürəm ki, aha onların bir yaşı oldu, iki yaşı olanda filan bağçaya, təlimə göndərim, böyüyəndə filan məktəbdə oxusunlar, bu dilləri bilsinlər və sair. İndidən Həsəni idmana yönləndirmək haqda düşünürəm... Məhəmmədlə bağlı başqa planlar qururam. Beləcə vaxtın, ayların hardan gəlib-getdiyini belə hiss etmirəm.

- Desəm ki, çətinliyi yoxdu, əlbəttə, doğru olmaz. Hər bir iş, fəaiyət zəhmət tələb edir. İstər bu biznes sahəsi olsun, istərsə də başqa sahə. Xüsusən biznesi qoruyub saxlamaq, onu qurmaqdan daha çətindir. Bununla belə mən özümün biznes-ledi kim təqdim olunmağımı o qədər də doğru saymıram. O qədər böyük şirkətləri olan, çox geniş işlər görən biznesmen xanımlar var ki, onların yanında mən özümü belə adlandırmağı düzgün hesab etmirəm. Mənim kimi xanımları fikrimcə, iş qadını adlandırmaq daha doğru olar. Eyni zamanda bilirsiniz ki, mən yalnız biznes sahəsidə fəaliyət göstərmirəm. Həm ictimai fəaliyyətlə məşğul oluram, həm də müxtəlif laihələr həyata keçirirəm. 2007-ci ildən YAP-ın Nəsimi rayon Qadınlar Şurasının üzvüyəm. Eyni zamanda bir müddət bundan öncə dostlarımla birlikdə yeni qeyri-hökumət təşkilatı yaratmışıq- “Çıraq” Gənc İstedadlar Dəstək İctimai Birliyi. Dostlarım da mənə etimad göstərib, birliyə sədr seçiblər. Hansı ki, bu təşkilatın xətti ilə Bakıda və regionlarda istedadı olan gənclərə həm maddi, həm mənəvi kömək edirik. Televiziyada həyata keçirdiyimiz layihəni isə yəqin ki, bir xanım kimi izləyirsiz. Yəni, gördüyünüz kimi işə də kifayət qədər çox vaxt ayrıram.

- Dediklərinizdən sonra gördüm ki, mən sualı səhv qoymuşam. Əslində bu qədər işi necə çatdırdığınızı soruşmalıyam. Çətin deyilmi?

- Dediyim kimi, əlbəttə müəyən çətinlikər olur. Ancaq bu çətinlikləri, çox sağ olsunlar, dostlarımla birlikdə aradan qaldırırıq. Ətrafımda çox gözəl insanlar, yaxşı dostlarım var və bütün bu işləri görməkdə mənə yaxından kömək edirlər, dəstək olurlar. Məni tək qoymurlar, uğurlarımda onların da payı çoxdur. Bir də ki, insan gərək gördüyü işi sevsin. Əgər bir işi sevə-sevə görürsənsə, əziyyətini hiss etmirsən. Əlbəttə yoruluram. Ancaq evə gəlib, Məhhəmmdlə Həsəni qucağıma aldıqda büitün yorğunluğum keçir.

-Layihələrdən söz düşmüşkən, sizin təşkilatçılığınızla keçən «Best Model of Azerbaijan” gözəllik müsabiqəsindən hələ də danışılır. Müsabiqənin təşkilatçılığını yenidən öz üzərinə götürmək istəmirsiniz ki?

- Acığı belə təklif var. Hətta təklifdən çox, israr edirlər ki, təşkilatçılığı yenidən öz üzərimə götürüm. Bu yaxınlarda Türkiydə Hakan Akkayanın ad günündə Erkan Özermanla qarşılaşdıq. Bilirsiniz ki, məndən sonrakı «Best Model of Azerbaijan” müsabiqələri çox aşağı səviyyədə təşkil olunub. Erkan bəy də deyir, səni yenidən bu layihədə öndə görmək istəyirik. İstəyirik yenə sən bu layihənin keyfiyyətini qaldırasan. Düzdür, mən ona söz vermədim, bildirdim ki, işlərim çoxdur. Uşaqlarla çox məşğulam. Ancaq bilmirəm, fikirləşirəm, bəlkə də oldu.

- O layihə mən hələ ana olmamışdan əvvəl düşünülmüşdü. Dostlarımız bildirmişdilər bu layihədə səni də görmək istəyirik. Mən bildiyiniz kimi, həm Texnalogiya Universitetində tikiş ixtisası üzrə təhsil almışam, həm də hazırda Rəssamlıq Akademiyasında sənətşunaslıq üzrə ikinci təhsilə yiyələnirəm. Yəni, moda mənə yad sahə olmadığından, təklifi qəbul etdim. Əslində mən özüm də neçə il idi ki, Azərbaycanda belə bir layihənin həyata keçirmək arzusunda idim, onun təşkili haqqında fikirləşirdim. Hətta Türkiyədə olarkən, anoloji yarışmanın təşkilatçıları ilə bu məqsədlə bir neçə dəfə görüşüb, söhbət də etmişdik. Ancaq həm ana olmağa hazırlaşdığımdan, təxirə salmalı oldum. Nəhayət, bu il ATV telekanalı ilə birlikdə layihəni həyata keçirməyə müvəffəq olduq. Və çox şadam ki, «Özünə bax-1» çox böyük diqqət qazandı və uğurla yekunlaşdırdıq. Təbii ki, burda layihənin yaradıcı kollektivinin, münsiflər həyyətində iştirak edən hər bir şəxsin, eləcə də ATV-nin rəhbərliyinin, şəxsən Vüqar Qaradağlının da böyük rolu var. Buna görə də onların hər birinə ayrı-ayrılıqda minnətdarlığımı bildirirəm. Sualınızın ikinci hissəsinə gəldikdə isə bildirim ki, bəli, layihənin davamı olacaq və yaxın günlərdə yenidən fəaliyyətə başlayacağıq.

-Gələcək planlarınızda nə var?

- Planlar çoxdu. Hamısını sadalamaqla oxucuları yormaq istəmirəm. İnşallah zaman-zaman mətbuatdan, televiziyada xəbər tutacaqlar. Yaxın gələcək üçün olan planlarımla bağlı deyim ki, inşallah ayın 16-da “Özünə bax-2” layihəmiz start götürür. Həftədə 3 dəfə ATV kanalında canlı olaraq, izləyicilərin qarşısıa çıxacağıq. Layihənin həm formatında, həm də münsifər heyətində çox böyük dəyişikliklər var. Çox maraqlı, dəyərli insanlar olacaq yanımızda. Həm moda, həm jurnalistika sahəsində çalışan insanlar iştirak edəcək. Dəyişməz sima mən olacam. İnanıram ki, “Özünə bax-2” daha böyük populyarlıq qazanacaq. Hər halda biz, eləcə də ATV telekanalının rəhbərliyi bunun üçün nə lazımdarsa edirik. İnşallah, hər kəsin maraqla izləyəcəyi bir proqram hazırlayacağıq.

Aybəniz Alızadə