SOS:NATO 5 MİNLİK ÖZƏL ORDU YARADIR- Rusiya da nüvə raketlərini çıxardı
Vyaçeslav Nikonov: "Nüvə müharibəsi astanasındayıq"
NATO 5 min əsgərdən ibarət özəl bir ordu qurur. NATO-nun 5 minlik ordu yaratması Rusiyaya qarşı təhdid kimi dəyərləndirilir. NATO Müdafiə nazirlərinin Ukrayna böhranı ilə bağlı yeni güc strukturu yaratmağa razılıq vermələri, Rusiya və Qərb arasında yeni "soyuq müharibə"nin başlamasından xəbər verir. Ekspertlər tərəflər arasında gərginliyin daha da artacağını proqnozlaşdırır.
Ekspertlərin proqnozlarına görə, Baltik ölkələri (Latviya, Litva, Estoniya), Bolqarıstan, Polşa və Rumıniyada qərarlaşacaq ordu NATO ilə əlaqədə olacaq. NATO-nun bu addımı qeyd edilən ölkələrin Rusiya qarşısında özlərini daha təhlükəsiz hiss etmələrini təmin edəcək.
Rusiyanın nüvə silahına əla ata biləcəyi barədə fikirlər bu ölkənin KİV-lərində və ekspert müzakirələrində tez-tez səsləndirilir. Bu fikir Rusiyanın keçən ilin sonunda qəbul etdiyi hərbi doktrinada da vuğulanır. Doktrinaya görə, Rusiyanın özünə və ya müttəfiqlərinə nüvə və ya qeyri-nüvə hücumu olarsa, Moskva nüvə silahından istifadəyə qərar verə bilər.
Amma ABŞ-ın bu gün dərc olunmuş yeni milli təhlükəsizlik strategiyasında isə bildirilir ki, nüvə silahına yalnız milli təhlükəsizliyə böyük hədə olan zaman mürajiət edilə bilər. Ağ Ev belə təhlükənin Rusiyadan çox, İrandan gələ biləcəyini düşünür.
Elə bu həftə Rusiya özünün strateji təyinatlı raket qoşunlarının görünməmiş miqyasda manevrlərinə başlayıb. Manevrlərdə 7 min hərbçi və 700 vahidə qədər hərbi texnika, o cümlədən qitələrarası ballistik nüvə raketlərini daşıyan mobil platformalar iştirak edir. Manevrlər iki həftə davam edəcək.
Manevrlər çərçivəsində Rusiyanın iki regionunda “Yars” və “Topol” nüvə raketləri öz anqarlarını tərk edib. Habelə Tversk, İvanovo, Kirov vilayəti və Altay diyarında sıx meşələrdəki məxfi bazalarını tərk edən raket platformaları xüsusi marşrut üzrə təyinat nöqtələrinə hərəkət edirlər.
Təlimlərin ssenarisinə görə İrkutsk vilayıtində “Topol” raketləri ilə təchiz edilmiş nüvə birləşməsinin manevrinə mane olmaq və raketlərin döyüş mövqeyinə çıxarılmasını əngəlləmək üçün düşmənin diversiya qrupu raketlərin hərəkət marşrutunda körpünü partladır. Xüsusi təyinatlılar düşmənin diversiya qrupunu məhv edir və mexanikləşdirilmiş mühəndis birləşmələri nüvə raketi daşıyan platformanın keçidi üçün körpü yaradır.
Rusiyanın strateji təyinatlı raket qoşunlarının arsenalının yarıdan çoxunu mobil platformalar üzərində daşınan “Topol” və “Topol-M” raketləri, habelə “Yars” raketi təşkil edir. Virtualaz.org saytı xəbər verir ki, hələ SSRİ dövründə işlənib hazırlanmış nüvə doktrinasına əsasən Rusiyanın ballistik nüvə raketləri mobil platformalar üzərində tez-tez yerini dəyişir.
“Topol” raketi 550 kilotonluq termonüvə başlığını 10 min kilometr, modernləşdirilmiş “Topol-M” raketi ilə eyni gücdə nüvə başlığını 11 min kilometr məsafəyə çatdıra bilir. Həmçinin “Topol-M” döyüş başlığının konstruksiyası ilə fərqlənir, bu raketlər uçuş zamanı verilmiş kurs və hündürlük üzrə manevr edə bilir. Nəticədə düşmənin raketdən müdafiə sistemi üçün onu “tutmaq” qat-qat çətinləşir.
Rusiyanın strateji təyinatlı nüvə raketlərinin genişmiqyaslı manevrlərini keçirməsi Ukraynaya örə Qərblə yaşanan qarşıdurma fonunda baş verir. Ukrayna ətrafında vəziyyət gərginləşəndən sonra Rusiyanın strateji nüvə bombardmançıları müntəzəm olaraq NATO ölkələrinin, o cümlədən ABŞ və Böyük Britaniyanın hava hüdudları yaxınlığında uçuşlar keçirir. Bu günlərdə isə Rusiyanın nüvə raketləri daşıyan nəhəng Tu-95M strateji bombardmançısı La Manş boğazı üzərində uçmuşdu. Habelə Rusiyanın nüvə raketləri daşıyan sualtı qayıqları tez-tez ABŞ və digər NATO ölkələrinin sahillərində üzür. Bütün bunlar NATO-da Rusiyanın nüvə təhdidləri ilə bağlı narahatlıqları ciddi şəkildə artırıb. Fevralın 12-də NATO-nun nüvə silahına malik ölkələrinin müdafiə nazirləri növbədənkənar toplantı keçirərək Rusiyanın nüvə təhdidlərini müzakirə edəcəklər.
Rasim
AzPolitik.info
Şərhlər
Hər hansısa bir şərh yazılmayıb.