SANKSİYALAR PUTİNİN PLANLARINI MƏHV ETDİ – Rusiya tam çöküşün astanasında
“İqtisadi sanksiyalar burulğanı Rusiyanın vəziyyətini elə kəskin şəkildə pisləşdirir ki, artıq bundan Putinin, nə qədər arzulasa belə, hansısa ölkəyə təcavüz etmək imkanı olmayacaq”. Bu fikir “The Wall Street Journal”da dərc olunan “Maliyyə bazarları Putinin öhdəsindən silahsız da gələ bilər” başlıqlı məqalədə əksini tapıb. “AzPolitika.info”nun məlumatına görə, məqalədə bildirir ki, saksiyalar Putinin bütün plalarını məhv edib: “Avropa Birliyi Moskvaya qarşı tətbiq etdiyi sanksiyalraı sərtləşdirməkdə davam edərsə və bununla paralel təbii iqtisadi proseslərin Rusiyanı tam bərbad hala salmasına mane olmazsa, onda həm Ukraynadakı münaqişə tezlikiklə sona çatacaq, həm də Pribaltika ölkələri üçün yaranmış təhlükələr sovuşacaq. Qərbin tətbiq etdiyi sanksiyaları nəticəsində Rusiya iqtisadiyyatına dəyən ziyan hələ indi özünü ciddi şəkildə büruzə verməyə başlayıb. Artıq Rusiya prezidenti Putinin Qərbin, dünyanın inkişaf etmiş ölkələrinin ona qarşı təzyiqlərini heçə sayması mümükün olmayacaq. Çünki müasir dünyada maliyyə bazarının imkan və təsirləri siyasətdən, hərbi qüvvələrdən və diplomatiyadan xeyli güclüdür”.
Rusiya iqtisadiyyatı sanksiyalardan əvvəl belə öz möhkəmliyi və sağlamlığı ilə seçilmirdi. Onun Ümumi Daxili Məhsulunun həcmi də böyük ölkə üçün aşağı həddədir. Təxminən İtalyanın Ümumi Daxili Məhsulu ilə eyni səviyyədədir. Hazırda Rusiyada çox ciddi demoqrafik problem yaşandığından ölkənin əhalisi də artmır. Korrupsiya isə çarlıq edir.
Belə ki, maliyyə baxımından Rusiya valyuta ehtiyatının likvidliyi(axıcılığı) heç də böyük deyil. ABŞ-ın “Peterson Dünya İqtisadiyyatı İnstitutu”nun hesablamalarına görə, keçən ilin dekabrında rublun gücləndirilməsi üçün 33 milyard dollar xərcləyən Rusiyanın əlində cəmi 200 milyard dollarlıq valyuta ehtiyatı qalıb. Hansı ki, bu ehtiyat da sürətlə əriyir...
Rusiya iqtisadiyyatının sadalanan son aylardakı itkilərindən başqa, yaranmış mövcud mürəkkəb vəziyyət bu ölkəyə kapital yatırlmaq istəyən xarici şirkətləri də çəkindirir. Onlar risk etmək istəmirlər. Elə buna görə də artıq bir ildir Rusiyaya yatırılan birbaşa xarici sərmayələrin ümumi həcmi demək olar ki, sıfırdır”.
Vaqif Nəsibov
AzPolitika.info
Şərhlər
Hər hansısa bir şərh yazılmayıb.