Ukrayna ordusu itki verdi

Donetsk hava limanı ətrafında silahlı toqquşmalar davam edir

Ukrayna ordusu son bir gündə 3 əsgərini itirib, 7-si isə yaralanıb. Anspress-in məlumatına görə, ordu rəsmiləri bildiriblər ki, bundan əvvəlki iki gündə cəbhə xəttində ölüm halları qeydə alınmayıb, ancaq fevralın 27-də cəbhə xəttində və Donetsk hava limanı ətrafındakı kəndlərdə silahlı toqquşmalar davam edib.

Ukrayna prezidenti Pyotr Poroşenko ötən gün demişdi ki, əldə olunmuş atəşkəs rejiminə baxmayaraq, ölkənin şərqində təhlükə hələ də qalır.

Xatırladaq ki, Minskdə fevralın 12-də əldə edilmiş razılığa əsasən, tərəflər fevralın 15-dən atəşkəs elan etməli, iki gündən sonra isə ağır silahları geri çəkməli idilər. Lakin hər iki tərəf ağır silahların cəbhə xəttindən geri çəkilməsinə başlandığını desələr də, ATƏT-in müşahidəçiləri bunu təsdiqləmirlər.