ABŞ, Böyük Britaniya, Almaniya, Fransa və Ukrayna nümayəndələri telefon danışığı zamanı Kiyev üçün təhlükəsizlik zəmanətlərinin gücləndirilməsi ilə bağlı məsələləri müzakirə ediblər.
APA xəbər verir ki, bu barədə ABŞ prezidentinin xüsusi nümayəndəsi Stiven Uitkoff X hesabında yazıb.
Onun sözlərinə görə, “Avropa sülh prosesi çərçivəsində atılacaq növbəti addımların müzakirəsi məqsədilə” adıçəkilən ölkələrin nümayəndələrinin iştirakı ilə məhsuldar telefon danışığı baş tutub.
Uitkoff əlavə edib ki, məsləhətləşmələr zamanı tərəflər xüsusilə təhlükəsizlik zəmanətlərinin möhkəmləndirilməsi və müharibənin dayandırılmasına, eləcə də onun yenidən alovlanmasının qarşısının alınmasına xidmət edəcək münaqişələrin qarşısının alınması mexanizmlərinin hazırlanması məsələlərinə diqqət yetiriblər.
Şərhlər