"İnsanlar narazıdırsa, bu, bizim günahımızdır" - İran prezidenti

Tehranda İranın pul vahidinin ucuzlaşması və iqtisadi problemlər səbəbilə başlayan etirazlar ölkənin bir çox şəhərinə yayılıb.

APA xəbər verir ki, etirazlara münasibət bildirən İran prezidenti Məsud Pazeşkian problemlərin həllində uğur səviyyəsinin əsasən düşüncə tərzindən və yanaşmadan asılı olduğunu bildirib.

Hökumətin effektiv xidmətlər göstərməli, resursları düzgün idarə etməli və ictimai narazılığı aradan qaldırmaq üçün iqtisadi və sosial problemlərə praktik həllər tapmalı olduğunu vurğulayan Pazeşkian sözlərinə belə davam edib:

"İnsanlar narazıdırsa, bu bizim günahımızdır. ABŞ-ı və ya başqalarını günahlandırmayın. Məsuliyyət bizimdir".