Amerika xüsusi təyinatlı qüvvələri Venesuela lideri Nikolas Maduronu və onun həyat yoldaşı Siliya Floresi birbaşa yataq otaqlarında saxlayıblar. Bu barədə CNN telekanalı iki məlumatlı mənbəyə istinadən xəbər verir.
Mənbələrin bildirdiyinə görə, əməliyyat gecə yarısı həyata keçirilib: Maduro və Flores yuxuda yaxalanaraq güc tətbiqi ilə aparılıblar. Telekanalın mənbələri onların müqavimət göstərmədiyini iddia edir.
Əməliyyatın gedişi ilə bağlı məlumatı ABŞ prezidenti Donald Tramp da əlavə edib. O, Fox News-a telefon bağlantısı zamanı ABŞ tərəfdən xəsarət alanların olduğunu bildirib: “Bizdə bir neçə yaralı var, lakin ölən yoxdur.”
Şərhlər