ABŞ Prezidenti Donald Tramp İranla əməkdaşlıq edən bütün ölkələrə qarşı sərt ticarət sanksiyası tətbiq edəcəyini açıqlayıb – bu ölkələr ABŞ-la apardıqları bütün ticarət əməliyyatlarında 25% əlavə gömrük rüsumu ödəyəcəklər.
"AzPolitika" xəbər verir ki, bu barədə Tramp özünün "Truth Social" hesabında yazılıb.
Prezident bildirib: “İran İslam Respublikası ilə əməkdaşlıq edən istənilən ölkə ABŞ-la həyata keçirdiyi bütün növ ticarət əməliyyatları üzrə 25 faiz gömrük rüsumu ödəyəcək. Bu qərar dərhal qüvvəyə minir.”
Bu açıqlama İranın iki həftədən artıq davam edən genişmiqyaslı etirazları və rejimin repressiyaları fonunda səslənib. Tramp administrasiyası artıq İranla ticarət edən ölkələrə (xüsusilə Çin, Hindistan, Türkiyə, BƏƏ və bəzi Avropa ölkələri) qarşı sanksiya mexanizmlərini gücləndirməyi planlaşdırır. Ağ Ev rəsmiləri bildiriblər ki, bu tədbir İranın etirazçılara qarşı zorakılığını maliyyələşdirən ölkələrə qarşı “iqtisadi cavab” kimi nəzərdə tutulub.
Eyni zamanda, Tramp İranla əməkdaşlıq edən şirkətlərə və banklara qarşı ikinci dərəcəli sanksiyaların da genişləndiriləcəyini qeyd edib. Bu qərarın neft, qaz və digər malların ticarətinə təsir edəcəyi gözlənilir – xüsusilə Çin və Hindistanın İran neftini idxal etməsi ciddi təzyiq altına düşə bilər.
Bu addım ABŞ-ın İran siyasətində yeni mərhələni göstərir və qlobal ticarət axınlarına təsir edə bilər.
Şərhlər