Rusiyanın Təhlükəsizlik Şurasının katibi Sergey Şoyqu İran Milli Təhlükəsizlik Şurasının katibi Ali Laricani ilə keçirdiyi telefon danışığında ölkədə baş verən hadisələrə münasibət bildirib. Şoyqu İranın daxili işlərinə xarici qüvvələrin müdaxiləsi cəhdini qətiyyətlə pisləyib.
Həmçinin, Şoyqu ölkə üzrə keçirilən etirazlar zamanı çoxsaylı qurbanlara görə hüznünü ifadə edib.
İran prezidenti Məsud Pezeşkian isə bazar günü bəyan edib ki, ABŞ və İsrail ölkədə “vandalizm və xaos yaratmaq” niyyətindədir.
Rusiya tərəfinin açıqlamasında bildirilir ki, Şoyqu 2025-ci ildə Tehranda və Moskvada imzalanmış strateji tərəfdaşlıq müqaviləsinə əsaslanaraq əməkdaşlığı inkişaf etdirməyə hazırdır.
“AzPolitika.info”
Şərhlər