Uitkof sabah Putinlə görüşəcək – “Bu görüşü istəyən ruslardır”

ABŞ Prezidentinin xüsusi elçisi Stiv Uitkov sabah, 22 yanvarda Vladimir Putinlə görüşəcək.

“Reuters” agentliyi diplomatın özünə istinadla xəbər verir ki, danışıqlar artıq planlaşdırılıb, lakin dəqiq yer hələ də məlum deyil.

Putinin mətbuat katibi Dmitri Peskov bu məlumatı təsdiqləyib. Uitkov özü bildirib: "Bu görüşü istəyən ruslardır. Düşünürəm ki, bu, onlardan gələn vacib bir bəyanatdır."

Putinin Trampın "Sülh Şurasına" qoşulub-qoşulmayacağı soruşulduqda, ABŞ Prezidentinin xüsusi elçisi cavab verib: "Düşünürəm ki, belədir."

O, həmçinin Putinin həqiqətən də bu barədə dəvət aldığını təsdiqləyib. Bildirib ki, Kreml sahibi guya Ukrayna ilə sülh müqaviləsi bağlamaq istəyir və 20 maddəlik sülh planı 90%-dən çox tamamlanıb.

“AzPolitika”