Bu gün “Ana Vətən” Partiyasının IX qurultayı keçirilib.
Partiyadan APA-ya verilən xəbərə görə, AVP sədri Fəzail Ağamalı Qurultayın işinə uğurlar arzulayıb, 2020-ci ildən - 2025-ci ilin sonunadək daxil olmaqla keçən dövr ərzində partiyanın fəaliyyətinə dair hesabat məruzəsi ilə çıxış edib.
Daha sonra gündəlikdə duran məsələlərə baxıldı və müvafiq qərarlar qəbul edilib.
Partiya sədrinin müavini, Milli Məclisin deputatı Günay Ağamalı AVP sədri seçilib.
Ömər Hüseynli partiya sədrinin müavini, həmçinin İdarə Heyətinin, Mərkəzi Nəzarət-Təftiş Komissiyasının üzvləri seçilib.
Nizamnamədə bir sıra dəyişikliklər edilib.
Qeyd edək ki, keçən il oktyabrın 25-də qalmaqallı qurultayda AVP-nin sədri Fəzail Ağamalının qızı, deputat Günay Ağamalı, oğlu Elçin Ağamalı və daha 2 nəfər partiya sədri postuna iddialı olub. Günay Ağamalının namizədliyini irəli sürmüş Fəzail Ağamalı Elçin Ağamalının qurultayın işini pozmaq istədiyini və yaranmış vəziyyətdə qurultay nümayəndələrinin onun növbəti qurultaya qədər sədr postunda qalmasını dəstəklədiyini bildirib. Elçin Ağamalı isə 155 qurultay nümayəndəsinin 100-dən çoxunun səsi ilə sədr seçildiyini iddia edib. Yaranan qalmaqal fonunda Fəzail Ağamalı növbədənkənar qurultayın təxirə salındığını açıqlayıb. Noyabrın 3-də Elçin Ağamalı oktyabrın 25-də keçirilən növbədənkənar qurultay ilə bağlı sənədlərin Ədliyyə Nazirliyinə təqdim edildiyini açıqlayıb.
Şərhlər
Ağa Malı və ya ağalarının malı bütün ömrü boyu necə saxta həyat yaşayıbsa ömrünün sonu da elə sifətinə çırpılır. Partiya sədrinin oğlunun və ya qızının olmasının nə bu cəxalqa nə bu dövlətə ziyandan başqa heç bir əhəmiyyəti yoxdur. Üzdə olan deputat qızı isə elə ilk tanınmağa başlayan gündən əmin olun hamıda ikrah doğurur. Sanki atasından betər saxtakardır.
Agamalılar onsuzda olmayan siyasi səhnəni gülməli etdilər. Aglamalıların gülməli teatrı))))
Bu partiyanın yeqin 3 üzvü var :Ata ve balaları ki onları isare ede bilmir.
Utanmasan , oynamaqa ne varki)
Siyasi partiyalara dövlət tərəfindən hər il pul ayrılır.Ağamalıların da bir-biri ilə konfliktinə məhz bu amil səbəb oldu
agamalıların bu oyuncaq və kukla mini məclisi ləğv olunmalıdır.