Ukrayna Prezidenti Volodimir Zelenski bu gün səhər jurnalistlərin sualına cavab olaraq bildirdi ki, Rusiya tərəfinin Moskvada Vladimir Putinlə görüş təklifi qəbulolunmazdır.
“Putinlə Moskvada görüşmək mümkün deyil, bu elədir, sanki onu Kiyevə dəvət edib görüşməyimizi gözləyirik. Onu açıq şəkildə Kiyevə dəvət edirəm, əgər o qərar verərsə, əlbəttə”, – Zelenski söyləyib.
Prezident daha əvvəl dəfələrlə bildirmişdi ki, müharibənin sona çatmasına kömək edəcəksə, Putinlə görüşməyə hazırdır.
Yanvarın 29-da Rusiya Prezidentinin köməkçisi Yuri Uşakov bildirib ki, əgər Ukrayna Prezidenti Putinə görüşmək istəyirsə, Moskvaya gələ bilər və onun təhlükəsizliyi təmin olunacaq.
ABŞ isə vasitəçi rolunda çıxış edərək, üçtərəfli görüş – ABŞ Prezidenti Donald Tramp, Zelenski və Putin arasında görüşün mümkünlüyünü açıqlamışdı. Lakin son vaxtlar bu mövzu aktuallaşmayıb.
Zelenski həmçinin Abu-Dabidə keçirilən üçtərəfli danışıqlarda enerji sahəsində birbaşa razılaşmaların əldə olunmadığını bildirib. Ukrayna hazırdır ki, Rusiya onun enerji obyektlərinə zərər verməsə, öz növbəsində rus enerji obyektlərinə zərər verməsin:
“Rusiya bizim enerji obyektlərimizi vurmasa, biz də onların obyektlərinə zərər verməyəcəyik. Məncə, bu, danışıqlarda vasitəçi rolunu oynayan ABŞ-nin gözlədiyi cavabdır”, – Zelenski vurğulayıb.
Yanvarın 29-da Donald Tramp açıqlayıb ki, Rusiya Prezidentinə bir həftəlik Kiyevə və digər şəhərlərə hücum etməməsini xahiş edib və Putin razılıq verib. Zelenski Trampın açıqlamasını alqışlayıb. Lakin “Financial Times” jurnalisti Kristofer Miller xəbər verir ki, Ukrayna tərəfi Rusiyadan heç bir siqnal almayıb və enerji sülhünün gerçəkləşəcəyinə əmin deyil.
Bazar ertəsi səhər Ukrayna Hərbi Hava Qüvvələri bildirib ki, gecə saatlarında Rusiya qoşunları Ukraynaya bir ballistik raket və 111 pilotsuz uçuş aparatı buraxıb. Hərbi hissələr qeyd edir ki, ballistik raket və 25 pilotsuz aparat 15 fərqli yerdə vurulub, iki yerdə isə qalıqlar düşüb.
“AzPolitika.info”
Şərhlər