Audiovizual Şuranın onlayn formatda keçirilən iclasında "ARB" telekanalının efirində "Reklam haqqında" Qanunun pozulması faktı müzakirə olunub.
Bu barədə Şuradan məlumat verilib.
Bildirilib ki, 2026-cı il fevralın 8-də kanalın efirində saat 13:38-də yayımlanan reklam materialında endirimin və ödəniş şərtlərinin reklamda aydın və düzgün şəkildə göstərilməməsi aşkarlanıb.
Fakt ilə bağlı zəruri araşdırmalar aparılıb və "Reklam haqqında" Qanunun 7-ci maddəsinin tələblərinin pozulması təsbit olunub. Belə ki, həmin reklamda təqdim olunan məlumatlar "Reklam haqqında" Qanunun 7.1.4-cü maddəsinə əsasən əmtəənin qiyməti, qiymət güzəştləri, əldəetmə və ödəniş şərtləri barədə məlumatları təhrif edilib, həqiqətə uyğun olmayan şəkildə əks etdirdiyinə görə qeyri-dəqiq reklam hesab olunur və həmin Qanunun 7.2-ci maddəsinə görə qeyri-dəqiq reklama yol verilmir.
Qeyd olunub ki, cari ilin əvvəlindən televiziya kanalının efirində belə pozuntuların bir neçə dəfə baş verməsini, kanala müvafiq bildirişlərin göndərilməsini nəzərə alaraq Audiovizual Şuranın üzvləri "ARB" kanalına qarşı sərt sanksiya tədbirinin tətbiq edilməsi və kanalın yayımının 16 fevral tarixində saat 08.00-dan başlayaraq 24 saat müddətinə müvəqqəti dayandırlması barədə qərar qəbul ediblər.
Şərhlər
Mətbuat şurası televiziya kanallarında gedən səviyysiz.yorucu vı aşağı səviyyəli verilişlərin yayımına ciddi diqqət yetrməlidir. Psevdo aparıcıların ekranlarda uzun-uzadı.yorucu və saatlarla davam edən verilişlərinə son qoymalıdır.Artıq hamı Zaurlardan. Xoşqdəmlərdən1. Mətanətlərdən yorulub .Bu ciddi məsələnin həlli.xalqı başqakanallara baxmaqdanazad edə .ıks halda xalqın mentaliteti korlanır.