Bu ilin yanvar ayında Azərbaycan Ermənistana 2 milyon 403,6 min ABŞ dolları dəyərində məhsul ixrac edib.
Bu barədə Dövlət Gömrük Komitəsi məlumat yayıb.
Bildirilib ki, bu, Azərbaycanın ümumi ixracının 0,11%-ni təşkil edir.
Ötən ay Ermənistandan Azərbaycana ixrac həyata keçirilməyib.
Ötən il dekabrın 18-də Azərbaycandan Ermənistana 1 220 ton Aİ-95 markalı avtomobil yanacağı göndərilib. Daha sonra bu il yanvarın 9-da Ermənistan Azərbaycandan 1 742 ton Aİ-95 markalı benzin və 956 ton dizel, yanvarın 11-də isə 979 ton Aİ-92 markalı avtomobil yanacağı idxal edib.
"AzPolitika.info"
Şərhlər
Nə oldu Azərbaycan xarici ölkədən 95 benzin alıb Ermənistana satır ? Xalqı lap avvam yerinə qoymusuz bəsdirin vicdanınız olsun .
Azərbaycan özü 95 benzin və Avro dizel istehsalı edir amma öz xalqına irandan , Rusiyadan ucuz yanacaq alıb xalqına satır belə xalqını sevən vətən pərvər olmur dünya görür bilir siz xalqa necə qiymət verirsiz dünya səviyyəli adamlar da sizə o qiyməti verir üzünüzə deməsə də arxanızca danışırlar