Macarıstanın mövqeyi Avropa İttifaqının Rusiyaya qarşı 20-ci sanksiya paketinin qəbulunu ləngidə bilər.
Bu barədə “Politico” nəşri məlumat yayıb.
Nəşrin yazdığına görə, Avropa İttifaqı Rusiyaya qarşı 20-ci sanksiya paketini qəbul etməyə yaxındır. Diplomatlar məhdudiyyətləri fevralın 24-dək – Rusiyanın Ukraynaya genişmiqyaslı müdaxiləsinin dördüncü ildönümünə qədər yekunlaşdırmağa çalışırlar. Lakin Macarıstan qərarın sürətlə qəbuluna maneələr yaradır.
Məlumata əsasən, yekun razılaşmanın Avropa səfirlərinin daha iki görüşündən sonra əldə olunacağı gözlənilir. Aİ-nin xarici siyasət rəhbəri Kaya Kallas sanksiyalar paketinin 24 fevrala qədər hazır olmasında israr edir. Qısa vaxt çərçivəsi səbəbindən səfirlərin həftə ərzində iki dəfə toplaşacağı ehtimal olunur.
"AzPolitika.info"
Şərhlər