“İRAN HƏRBÇİLƏRİ SİLAHI YERƏ QOYMASA, ÖLƏCƏKLƏR” – Tramp SEPAH üzvləri və polisə müraciət edib

ABŞ Prezidenti Donald Tramp İran Silahlı Qüvvələrinin və İslam İnqilabı Keşikçiləri Korpusunun (SEPAH) hərbçilərini, eləcə də polis əməkdaşlarını silahı yerə qoymağa çağırıb.

O, bu barədə “Truth Social” platformasında yayımladığı müraciətdə bildirib.

“Bir daha SEPAH-ı, İran hərbçilərini və polisi silahı yerə qoymağa və tam toxunulmazlıq əldə etməyə çağırıram. Əks halda onları qaçılmaz ölüm gözləyir”, – deyə Tramp qeyd edib.

Onun sözlərinə görə, hazırda döyüş əməliyyatları tam sürətlə davam edir və bütün məqsədlər əldə olunana qədər davam edəcək.