Ukrayna müharibəsi çərçivəsində Rusiyanın müxtəlif bölgələrində həm hərbi, həm də enerji infrastrukturu obyektlərinə zərbələr endirildiyi barədə məlumatlar yayılıb.

Ukrayna Təhlükəsizlik Xidmətinin (SBU) “Alfa” xüsusi əməliyyatlar mərkəzinin Krımda keçirdiyi əməliyyat nəticəsində Rusiya hərbi donanmasına məxsus üç gəminin zərər gördüyü bildirilir.

Məlumata görə, hədəfə alınan gəmilər bunlardır:

-böyük desant gəmisi Yamal; 

-böyük desant gəmisi Azov;

-adı açıqlanmayan hərbi gəmi.

Bundan əlavə, “Qraçonok” tipli anti-diversiya katerinin də zərər gördüyü ehtimal edilir.

Xəbər verdiyimiz kimi, Ukrayna Silahlı Qüvvələrinin Baş Qərargahı isə Rusiyanın neft emalı və nəqliyyat infrastrukturuna da bir neçə zərbə endirildiyini açıqlayıb.

Xatırladaq ki, yanğınlar aşağıdakı obyektlərdə qeydə alınıb:

-Novokuybışevski neft emalı zavodu (Samara vilayəti);

-Sızran neft emalı zavodu (Samara vilayəti);

-LUKOIL RPU-Vısotsk neft terminalı (Leninqrad vilayəti);

-Tixoretsk neft nasos stansiyası (Krasnodar diyarı);

Ukrayna tərəfi bu obyektlərə endirilən zərbələrdən sonra yanğınların qeydə alındığını bildirir.

Beləliklə, Ukrayna və Rusiya arasında davam edən müharibə fonunda həm Qara dəniz regionunda hərbi hədəflər, həm də Rusiyanın enerji infrastrukturu ardıcıl şəkildə zərbə altında qalmaqda davam edir.

"AzPolitika.info"