ABŞ və İran arasında gərginliyin azaldılmasını nəzərdə tutan dörd mərhələli razılaşma üzrə yaxınlaşma qeydə alınıb.

"AzPolitika" xəbər verir ki, bu barədə xarici KİV-lərdə məlumat yayılıb.

Məlumatda sözügedən mərhələlər belə qeyd olunub:

I mərhələ: Hərbi əməliyyatların dayandırılması və regionda gərginliyin azalması, yeni cəbhələrin açılmasının qarşısının alınması;

II mərhələ: Dəniz təhlükəsizliyi məsələləri – Hörmüz boğazında gəmiçiliyin bərpası və enerji marşrutlarının qorunması;

III mərhələ: İqtisadi etimad tədbirləri – sanksiyaların qismən yumşaldılması, dondurulmuş aktivlərin bir hissəsinin azad edilməsi və neft ixracına imkanların artırılması;

IV mərhələ: Nüvə proqramı üzrə ən mürəkkəb mərhələ – uranın zənginləşdirilməsi, beynəlxalq monitorinq və regional təhlükəsizlik mexanizmlərinin yenidən nəzərdən keçirilməsi.

"AzPolitika.info"