İran Prezidenti Məsud Pezeşkian SEPAH-ın Aerokosmik Qüvvələrinə 20 milyon barel neft ayrılması ilə bağlı tənqidlərə cavab verib.
Pezeşkian bildirib ki, ölkə yenidən oxşar vəziyyətlə üzləşərsə, SEPAH-a daha 100 milyon barel neft ayırmağa hazırdır.
"Belə bir vəziyyət yenidən yaranarsa, onlara 100 milyon barel neft verəcəyəm və bundan qürur duyuram", – deyə İran prezidenti bildirib. O, əlavə edib ki, lazım gələrsə, "cəbhə xəttində" olmağa hazırdır və "şəhidliyi" şərəf hesab edir.
Qeyd edək ki, Pezeşkianın bu açıqlaması iyunun 19-da bir sıra beynəlxalq KİV-lərdə İrana məxsus 20 milyon barel xam neftin hərbi potensialın, xüsusilə də SEPAH-ın Aerokosmik Qüvvələrinin maliyyə və təchizat imkanlarının gücləndirilməsi məqsədi ilə bu quruma ayrıldığı barədə yayılan məlumatlardan sonra səsləndirilib.
"AzPolitika.info"
Şərhlər