Moskva meri və hökuməti aparatının rəhbərinin birinci müavini Aleksey Starovoytov 46 yaşında vəfat edib.
"Azpolitika" xəbər verir ki, bu barədə meriyanın mətbuat xidməti məlumat verib və Starovoytovun iyunun 30-da vəfat etdiyi bildirilib.
Ölümün rəsmi səbəbi açıqlanmayıb. Starovoytovun ürək-damar çatışmazlığından öldüyü ehtimal edilir.
Dəfn mərasiminin tarixi və yeri barədə hələlik heç bir məlumat yoxdur.
Aleksey Starovoytov 2010-cu ildən Moskva Şəhər Meriyasında çalışıb.
Xatırladaq ki, bir neçə gün əvvəl Rusiyanın keçmiş müdafiə naziri Sergey İvanov vəfat etmişdi. İvanov Putinlə birlikdə KQB-də, xarici kəşfiyyatda çalışıb. İvanov Rusiya Federasiyasında Təhlükəsizlik Şurasının katibi, müdafiə naziri, Baş nazirin müavini, Prezident Administrasiyasının rəhbəri vəzifələrində çalışıb.
Şərhlər