Moskva vilayətində dron təhlükəsi elan edilib.

APA-nın Rusiya bürosu xəbər verir ki, sakinlərə evdə qalmaları və pəncərəyə yaxınlaşmamaları tövsiyə olunub.

Eyni zamanda küçədə və ya nəqliyyat vasitəsində olan sakinlərə yeraltı keçiddə və yaxud dayanacaqda sığınacağa getmək tövsiyə edilib.

Həmçinin mobil internet xidmətinin kəsilə biləcəyinə dair xəbərdarlıq edilib.

“PUA-ların və Hava Hücumundan Müdafiə sistemlərinin çəkilişləri qadağandır”, - deyə fövqəladə halların xəbərdarlığı üzrə vahid dövlət sisteminin əhaliyə göndərdiyi bildirişdə qeyd olunub.