Belarus Silahlı Qüvvələri Ukraynadakı münaqişədə iştirak etməyəcək. 

"AzPolitika" xəbər verir ki, bu bəyanatı Belarus Prezidenti Aleksandr Lukaşenko verib.

"Vurğulayıram ki, heç kim sizi bu qırğına göndərməyəcək. Bizə müharibə lazım deyil, Ukraynada müharibənin getməsi pisdir," siyasətçi belə bir ssenarinin mümkünlüyünü istisna edib.

Lukaşenko Belarusun Ukraynadakı münaqişənin sülh yolu ilə həllinə sadiqliyini vurğulayıb. Belarus Prezidentinin sözlərinə görə, Qərbdə bəzi siyasətçilər Minskin müstəqilliyindən, eləcə də Rusiya ilə ittifaqdan narazıdırlar.

Əvvəllər Rusiya Prezidenti Vladimir Putin demişdi ki, Ukrayna Prezidenti Volodimir Zelenskinin bəyanatlarına görə Lukaşenko panikaya düşmür.